Breaking News

ശ്രീലങ്കയില്‍ ചാവേര്‍ ആക്രമണം കഴിഞ്ഞ് ആദ്യബലിയില്‍ തിരുപ്പട്ടം

ശ്രീലങ്കയില്‍ ചാവേര്‍ ആക്രമണം കഴിഞ്ഞ് ആദ്യബലിയില്‍ തിരുപ്പട്ടം

കൊളംബോ: ഈസ്റ്റര്‍ ദിനത്തിലുണ്ടായ ചാവേര്‍ ആക്രമണ പരമ്പരയില്‍ 47 കുട്ടികള്‍ ഉള്‍പ്പെടെ 257 പേര്‍ കൊല്ലപ്പെട്ടതിനുശേഷം ശ്രീലങ്കയിലെ കത്തോലിക്കാ ദേവാലയങ്ങള്‍ അക്രമഭീഷണിയുടെ നിഴലില്‍ അടച്ചിട്ടിരിക്കെ കിഴക്കന്‍ മേഖലയിലെ ബട്ടിക്കലോവ തണ്ണാമുനൈയില്‍ ഒരു നവവൈദികന്റെ തിരുപ്പട്ടസ്വീകരണത്തോടനുബന്ധിച്ച് പരസ്യമായി ആദ്യ സമൂഹദിവ്യബലി അര്‍പ്പിച്ചു.
മൂന്നൂറോളം സൈനികരും 60 പൊലീസുകാരും കമാന്‍ഡോകളും കാവല്‍നില്‍ക്കെയാണ് സെന്റ് ജോസഫ് പള്ളിയില്‍ തമിഴ് സ്‌തോത്രഗീതങ്ങളോടെ പൗരോഹിത്യത്തിന്റെ തൈലാഭിഷേകശുശ്രൂഷയും തിരുക്കര്‍മങ്ങളും അര്‍പ്പിക്കപ്പെട്ടത്. തണ്ണാമുനൈ പട്ടണത്തിന്റെ അതിര്‍ത്തിയില്‍ സൈനിക ചെക്ക്‌പോസ്റ്റുകളില്‍ കര്‍ശന പരിശോധനയ്ക്കുശേഷമാണ് ദിവ്യബലിയില്‍ സംബന്ധിക്കുന്നവരെ ബസില്‍ പള്ളിയിലെത്തിച്ചത്. സ്ത്രീകളെയും പുരുഷന്മാരെയും പ്രത്യേക ലൈനില്‍ നിര്‍ത്തി ദേഹപരിശോധന നടത്തിയാണ് ദേവാലയത്തിലേക്കു കടത്തിവിട്ടത്.
വൈദികപട്ടം നല്‍കുന്നതിനോടനുബന്ധിച്ചുള്ള ആഘോഷബലിയര്‍പ്പണം രണ്ടാഴ്ച മുന്‍പ് തീരുമാനിച്ചിരുന്നതാണെന്ന് ഇടവകയുടെ ചുമതലയുള്ള ഫാ. നോര്‍ട്ടണ്‍ ജോണ്‍സണ്‍ പറഞ്ഞു. 200 വൈദികരും മൂവായിരം വിശ്വാസികളും പങ്കെടുക്കേണ്ടതായിരുന്നു. എന്നാല്‍ ഈസ്റ്റര്‍ കൂട്ടക്കുരുതിയുടെ പശ്ചാത്തലത്തില്‍ 80 വൈദികരും 350 വിശ്വാസികളുമാണ് ചൊവ്വാഴ്ച രാവിലെ തിരുപ്പട്ടദാന ശുശ്രൂഷയില്‍ സന്നിഹിതരായിരുന്നത്.
ബട്ടിക്കലോവയില്‍ മുസ്‌ലിം സമുദായക്കാരുടെ സാന്നിധ്യമുള്ള പ്രദേശങ്ങള്‍ക്കിടയിലാണ് തണ്ണാമുനൈ പള്ളി സ്ഥിതി ചെയ്യുന്നത്. ഈസ്റ്റര്‍ ദിനത്തില്‍ ബട്ടിക്കലോവയിലെ സയണ്‍ പ്രോട്ടസ്റ്റന്റ് പള്ളിയിലും നെഗംബോയിലെ സെന്റ് സെബാസ്റ്റിയന്‍ പള്ളിയിലും കൊളംബോയിലെ സെന്റ് ആന്റണീസ് തീര്‍ഥാടനകേന്ദ്രത്തിലും മൂന്ന് വന്‍കിട ഹോട്ടലുകളിലും ഉഗ്രസ്‌ഫോടകവസ്തുക്കളുമായി ചാവേര്‍ ആക്രമണം നടത്തിയ ഇസ്‌ലാമിക തീവ്രവാദി സംഘത്തിന്റെ ഭാഗമായ ചില ഭീകരര്‍ തുടര്‍ന്നും ആക്രമണം നടത്താന്‍ സാധ്യതയുണ്ടെന്ന മുന്നറിയിപ്പിന്റെ അടിസ്ഥാനത്തില്‍ രാജ്യത്തെ ദേവാലയങ്ങളില്‍ രണ്ടാഴ്ചയായി തിരുക്കര്‍മങ്ങള്‍ റദ്ദാക്കിയിരിക്കയാണ്.


Related Articles

ലത്തീന്‍ സമുദായദിനാഘോഷം ഡിസംബര്‍ 9ന് തിരുവനന്തപുരത്ത്

ആലുവ:  2018ലെ ലത്തീന്‍ സമുദായദിനാഘോഷങ്ങള്‍ക്ക് തിരുവനന്തപുരം അതിരൂപത ആതിഥേയത്വം വഹിക്കുമെന്ന് സമുദായവക്താവും കെആര്‍എല്‍സിസി വൈസ്പ്രസിഡന്റുമായ ഷാജി ജോര്‍ജ് അറിയിച്ചു. വിശുദ്ധ ഫ്രാന്‍സിസ് സേവ്യറിന്റെ തിരുന്നാള്‍ കഴിഞ്ഞുവരുന്ന ഞായറാഴ്ചയാണ്

ഈ ഡിജിറ്റൽ തന്ത്രം, ബിസിനസ്സ് വിജയമന്ത്രം

ഈ ഡിജിറ്റൽ തന്ത്രം, ബിസിനസ്സ് വിജയമന്ത്രം “ഇനി അങ്ങോട്ട് ഡിജിറ്റൽ  മാർക്കറ്റിംഗിന്‍റെ  കാലമാണല്ലോ”- ഈയൊരു വാചകം e-യുഗത്തിൽ നാം നിത്യേന കെട്ടുവരുന്നതാണ്. അതെ, ലോകം ഡിജിറ്റൽ ആയി

എല്ലാ വിഭാഗങ്ങള്‍ക്കും പ്രാതിനിധ്യം നല്കാന്‍ രാഷ്ട്രീയ പാര്‍ട്ടികള്‍ക്ക് ഉത്തരവാദിത്വമുണ്ട് – ഡോ. സെബാസ്റ്റിയന്‍ പോള്‍

കൊല്ലം: പ്രാതിനിധ്യ ജനാധിപത്യ സംവിധാനമുള്ള ഇന്ത്യയില്‍ രാഷ്ട്രീയരംഗത്ത് എല്ലാ സമുദായങ്ങള്‍ക്കും പ്രാതിനിധ്യം നല്കാന്‍ രാഷ്ട്രീയ പാര്‍ട്ടികള്‍ക്ക് ഉത്തരവാദിത്വമുണ്ടെന്ന് ഡോ. സെബാസ്റ്റിയന്‍പോള്‍ പറഞ്ഞു. കെആര്‍എല്‍സിസി ജനറല്‍ അസംബ്ലിയില്‍ കേരളപ്പിറവിക്കുശേഷമുള്ള

No comments

Write a comment
No Comments Yet! You can be first to comment this post!

Write a Comment

Your e-mail address will not be published.
Required fields are marked*