സമൂഹത്തിന്റെ വളര്‍ച്ചയ്‌ക്ക്‌ സ്‌ത്രീശാക്തീകരണം അനിവാര്യം -ആര്‍ച്ച്‌ബിഷപ്‌ ഡോ.ജോസഫ്‌ കളത്തിപ്പറമ്പില്‍
എറണാകുളം: മാതൃത്വം അനുഗ്രഹീതമാണെന്ന്‌ വരാപ്പുഴ ആര്‍ച്ച്‌ബിഷപ്‌ ഡോ. ജോസഫ്‌ കളത്തിപ്പറമ്പില്‍ പറഞ്ഞു. വരാപ്പുഴ അതിരൂപതയുടെ സാമൂഹ്യ സേവന വിഭാഗമായ എറണാകുളം സോഷ്യല്‍ സര്‍വീസ്‌ സൊസൈറ്റി(ഇഎസ്‌എസ്‌എസ്‌) അന്തര്‍ദേശീയ വനിതാ ദിനാഘോഷം എറണാകുളം ഇന്‍ഫന്റ്‌ ജീസസ്‌ പാരിഷ്‌ ഹാളില്‍ ഉദ്‌ഘാടനം ചെയ്‌തു സംസാരിക്കുകയായിരുന്നു അദ്ദേഹം. വീടുകളില്‍ സ്‌ത്രീകള്‍ അനുഭവിക്കുന്ന ബുദ്ധിമുട്ടുകള്‍ വളരെ വലുതാണ്‌. രാഷ്ട്രത്തിന്റെ പുരോഗതിയ്‌ക്ക്‌ സമൂഹത്തിന്റെ വളര്‍ച്ച നിര്‍ണായകമാണ്‌്‌. സമൂഹത്തിന്‌ വളര്‍ച്ചയുണ്ടാകണമെങ്കില്‍ സ്‌ത്രീ ശാക്‌തീകരണം അനിവാര്യമാണന്നും ആര്‍ച്ച്‌ബിഷപ്‌ വ്യക്തമാക്കി. വനിതാദിനാഘോഷത്തിന്റെ ഭാഗമായി നടന്ന കാന്‍സര്‍ ബോധവല്‌കരണ ക്ലാസ്‌ പ്രശസ്‌ത കാന്‍സര്‍ രോഗവിദഗ്‌ദ്ധന്‍ ഡോ. വി. പി ഗംഗാധരന്‍ നയിച്ചു. വിവിധ കലാകായിക മത്സരങ്ങളില്‍ സംസ്ഥാന ദേശീയ തലങ്ങളില്‍ മികവു തെളിയിച്ച വനിതകളെയും, ഡോ. വി. പി ഗംഗാധരനേയും സമ്മേളനത്തില്‍ ആദരിച്ചു. ഇഎസ്‌എസ്‌എസിന്റെ നേതൃത്വത്തിലുള്ള 1000 ല്‍ പരം സ്വയംസഹായ സംഘങ്ങളുടെ ഫെഡറേഷനുകളില്‍ മികവു തെളിയിച്ച ഫെഡറേഷനുകളെ പ്രത്യേകം ആദരിച്ചു.
ചടങ്ങില്‍ സംബന്ധിച്ചവര്‍ക്ക്‌ പ്രൊഫ. കെ. വി തോമസ് എംപിയുടെ പ്രാദേശിക വികസന ഫണ്ട്‌ ഉപയോഗിച്ചുള്ള വേപ്പിന്‍തൈ വിതരണം മരട്‌ നഗരസഭ ചെയര്‍പേഴ്‌സണ്‍ സുനില ഷെറിന്‍ നിര്‍വഹിച്ചു. ഇഎസ്‌എസ്‌എസിന്റെ വിവിധ വനിതാ ഫെഡറേഷനുകള്‍, ദിനപത്രങ്ങള്‍ സമാഹരിച്ച്‌ ശേഖരിച്ച തുക ആശാകിരണം കാന്‍സര്‍ ചികിത്സാ പദ്ധതിക്കായി ആര്‍ച്ച്‌ബിഷപ്പിന്‌ കൈമാറി. നിര്‍ധനരായ പത്ത്‌ കുടുംബങ്ങള്‍ക്ക്‌ ഭവന നിര്‍മാണത്തിനുള്ള ധന സഹായം ആര്‍ച്ച്‌ബിഷപ്‌ സ്‌നേഹഭവനം പദ്ധതിയുടെ ഭാഗമായി നല്‍കി.
ഇഎസ്‌എസ്‌എസ്‌ ഡയറക്ടര് ഫാ. ആന്റണി റാഫേല്‍ കൊമരംചാത്ത്‌. അസിസ്റ്റന്റ്‌ ഡയറക്ടര് ഫാ. ജോബ്‌ കുണ്ടോണി, ജനപ്രതിനിധികളായ നായരമ്പലം പഞ്ചായത്ത്‌ അംഗം അനിത തോമസ്, തൃക്കാക്കര നഗരസഭാ കൗണ്‍സിലര്‍ ജാന്‍സി ജോര്‍ജ്‌, കൃഷി വിഭാഗം കോര്‍ഡിനേറ്റര്‍ ഷോജി, പ്രോഗ്രാം കണ്‍വീനര്‍ ലിസി ജോയി എന്നിവര്‍ സംസാരിച്ചു. തുടര്‍ന്ന്‌ കലാപരിപാടികള്‍ നടത്തി. സ്വയംസഹായ സംഘങ്ങളിലെ ഉല്‌പന്നങ്ങളുടെ വിപണന മേളയും ഉണ്ടായിരുന്നു.
Related Articles
കൊവിഡ്: സെഹിയോന്‍ ധ്യാനകേന്ദ്രം വിട്ടുനല്‍കി
പത്തനംതിട്ട: കൊവിഡ് പ്രതിരോധ പ്രവര്‍ത്തനങ്ങളുടെ ഭാഗമായി ഐസലേഷന്‍ വാര്‍ഡ് ഒരുക്കാന്‍ കുന്നന്താനം സെഹിയോന്‍ ധ്യാനകേന്ദ്രം വിട്ടുനല്‍കി. ധ്യാനകേന്ദ്രം ഡയറക്ടര് ഫാ. സിറിയക് കോട്ടയിലില്‍നിന്ന് മാത്യു ടി. തോമസ്
നീതിന്യായത്തില്‍ ഇത്രയും ക്രൂരതയോ?
കേന്ദ്ര സര്‍ക്കാര്‍ കൊണ്ടുവന്ന മൂന്ന് കാര്‍ഷിക പരിഷ്‌കരണ നിയമങ്ങള്‍ക്കെതിരെ കൊവിഡ് മഹാമാരിയുടെയും അതിശൈത്യത്തിന്റെയും ഭീഷണ സാഹചര്യത്തിലും ഡല്‍ഹിയിലേക്കു മാര്‍ച്ച് ചെയ്ത പതിനായിരകണക്കിനു കര്‍ഷകരെ തടയാനായി ബാരിക്കേഡുകളും കോണ്‍ക്രീറ്റ്
വാളയാര്‍ പീഡനക്കേസില്‍ പ്രതികളെ വെറിതെവിട്ട ഉത്തരവ് ഹൈക്കോടതി റദ്ദാക്കി.
കൊച്ചി:വാളായാര്‍ കേസില്‍ പ്രതികള വെറുതെ വിട്ട വിജരണക്കോടതിയുടെ ഉത്തരവ് ഹൈക്കോടതി റദ്ദാക്കി. പുനര്‍ വിജാരണ നടത്തണമെന്നാണ് ഡിവിഷന്‍ ബെഞ്ച് ആവശ്യപ്പെട്ടിരിക്കുന്നത്. കുട്ടുകളുടെ അമ്മയുടെയും സര്‍ക്കാരിന്റെയും അപ്പീല്‍ അംഗീകരിച്ചുകൊണ്ടാണ്
