സാമൂഹ്യമാധ്യമങ്ങളിലെ മരണഗ്രൂപ്പുകള്‍ ജാഗ്രതവേണം രക്ഷിതാക്കള്‍ക്ക്

സാമൂഹ്യമാധ്യമങ്ങളിലെ മരണഗ്രൂപ്പുകള്‍ ജാഗ്രതവേണം രക്ഷിതാക്കള്‍ക്ക്
സാമൂഹിക മാധ്യമങ്ങളുടെ ക്രിമിനല്‍ ദുരുപയോഗത്തിന്റെ ഏറ്റവും ഒടുവിലത്തെ ഉദാഹരണമാണ് രണ്ടു വിദ്യാര്‍ഥികള്‍ വയനാട്ടില്‍ ആത്മഹത്യ ചെയ്ത സംഭവം. ‘സൈക്കോ ചെക്കന്‍’ എന്ന ഇന്‍സ്റ്റാഗ്രാം പേജിനെ പിന്തുടര്‍ന്നിരുന്ന രണ്ടു കുട്ടികളാണ് ഏതാണ്ട് ഒരേ തരത്തില്‍ ആത്മഹത്യചെയ്തത്. പൊലീസ് അന്വേഷത്തിലൂടെ വെളിവായ മറ്റൊരു സംഭവം, ഈ വലയില്‍ പെണ്‍കുട്ടികളടക്കം നിരവധി പേര്‍ കുടുങ്ങിയിട്ടുണ്ടെന്നാണ്. സംസ്ഥാനത്ത് പലയിടത്തും നടന്നിട്ടുള്ള ഇരുചക്രവാഹനാപകടങ്ങള്‍ പൊലീസ് വീണ്ടും പരിശോധിച്ചു വരികയാണ്. മരണപേജുകളുടെ പിടിയില്‍പെട്ടവര്‍ ആത്മഹത്യചെയ്യാന്‍ തിരഞ്ഞെടുത്ത മാര്‍ഗങ്ങളിലൊന്നാണോ ബൈക്കപകടങ്ങള്‍ എന്നു പൊലീസ് സംശയിക്കുന്നു. ബ്ലൂവെയില്‍ ഗെയിം പോലുള്ളവയില്‍നിന്ന് ഊര്‍ജമുള്‍ക്കൊണ്ടാണ് ഇത്തരം പേജുകള്‍ ഉണ്ടാക്കിയിരിക്കുന്നത്. 
ജീവിതത്തോടുള്ള നിഷേധമനോഭാവവും ആത്മഹത്യക്ക് പ്രേരിപ്പിക്കുന്ന ഉള്ളടക്കങ്ങളുമാണ് ‘സൈക്കോ ചെക്കന്‍’ ഉള്‍പ്പെടെയുള്ള പേജിലുള്ളത്. ഇന്ന് അല്ലെങ്കില്‍ നാളെ മരണം നമ്മളെ കൊണ്ടുപോകും, ഓര്‍മകള്‍ മരിക്കുമ്പോള്‍, എങ്ങോട്ടെങ്കിലും പോകണം. ഒറ്റയ്ക്ക് മലമുകളില്‍ പോയിരുന്ന ഭ്രാന്തനെപ്പോലെ പൊട്ടിച്ചിരിക്കണം തുടങ്ങിയ പോസ്റ്റുകള്‍ ഇതില്‍ സുലഭമാണ്. ഏകാന്തത, യാത്ര തുടങ്ങിയവ ഇഷ്ടപ്പെടുന്നവരാണ് ഇതിലെ സഹയാത്രികര്‍. ബൈക്കുകളിലെ അതിവേഗത്തിലുള്ള യാത്രകള്‍ പലരും പങ്കുവച്ചിരിക്കുന്നു. പ്രണയം തകര്‍ന്നവരും, ജീവിതത്തിലെ ലക്ഷ്യങ്ങള്‍ നിറവേറില്ല എന്നു കരുതുന്നവരും മരണപേജുകളില്‍ അഭയം തേടുന്നുണ്ട്. താന്‍ എല്ലാവരെയും സ്‌നേഹിച്ചെന്നും ആരും തിരിച്ച് സ്‌നേഹിച്ചില്ലെന്നും കരുതുന്നവരാണ് കൂടുതലും. നിരാശയാണ് ഇവരുടെ പൊതുവികാരം. ജീവിതവിരക്തിയും മരണത്തോടുള്ള പ്രണയവും ദൈവത്തെക്കാള്‍ സാത്താന് പ്രാമുഖ്യം നല്കുന്ന തരത്തിലുള്ള പോസ്റ്റുകളും ഇവര്‍ പിന്തുടരുന്ന പേജുകളിലുണ്ട്. വിഷാദരോഗത്തിന് അടിപ്പെട്ടവരാണ് മരണപേജുകളുടെ പിടിയില്‍പെടുന്നതെന്നും അതവരെ ജീവിതവിരക്തിയുള്ളവരാക്കുമെന്നും മനശാസ്ത്രവിദഗ്ദര്‍ ചൂണ്ടിക്കാണിക്കുന്നു. 17 വയസുപോലും തികയാത്ത കുട്ടികള്‍ സിസി കൂടിയ ബൈക്കുകള്‍ അമിതവേഗത്തില്‍ ഓടിക്കുകയും അതില്‍ അഭ്യാസങ്ങള്‍ കാണിക്കുന്നതും സ്ഥിരം കാഴ്ചയാണ്. മറ്റുള്ളവരുടെ ശ്രദ്ധ പിടിച്ചുപറ്റാന്‍ മാത്രമല്ല ജീവിതത്തോടുള്ള വെല്ലുവിളിയായും ഇതിനെ കാണാവുന്നതാണ്. മൊബൈല്‍ ഫോണാണ് ഇവരുടെ ഏറ്റവും അടുത്ത ആശ്രയം.
വയനാട് കമ്പളക്കാട് പോലീസ് സ്‌റ്റേഷന്‍ പരിധിയിലെ സുഹൃത്തുക്കളായ രണ്ടു കൗമാരക്കാരാണ് ഒരു മാസത്തെ വ്യത്യാസത്തില്‍ സമാനമായ രീതിയില്‍ ആത്മഹത്യ ചെയ്തത്. മരിക്കുന്നതിനുമുമ്പ് രണ്ടുപേരും ആത്മഹത്യയെക്കുറിച്ച് സാമൂഹികമാധ്യമങ്ങളില്‍ സ്റ്റാറ്റസിടുകയും സുഹൃത്തുക്കള്‍ക്ക് മെസേജ് 
അയക്കുകയും ചെയ്തിരുന്നു. പാട്ടുകേട്ടാണ് ഇരുവരും തൂങ്ങി മരിച്ചത്. ഇവര്‍ പിന്തുടര്‍ന്നിരുന്ന ‘സൈക്കോ ചെക്കന്‍’ പേജില്‍ ഏകാന്തതയോടും മരണത്തോടുമുള്ള  സൂചനകളുണ്ട്. വിഷാദരോഗത്തിലേക്കു നയിക്കുന്ന സംഗീത ആല്‍ബങ്ങളുടെ ആരാധകരായിരുന്നു ഇവരെന്നതിന്റെ സൂചനകളും പേജുകളിലുണ്ട്. 
ആത്മഹത്യാ പ്രേരണാഗാനമായി കരുതപ്പെടുന്ന ‘ഗ്ലൂമി സണ്‍ഡേ’ തുടങ്ങിയ ഗാനങ്ങള്‍ ജീവനൊടുക്കിയ രണ്ടുകുട്ടികളും പിന്തുടര്‍ന്നതായി ഇവരുടെ പോസ്റ്റുകളില്‍ സൂചനയുണ്ട്. യൂറോപ്പില്‍ ഒട്ടേറെ പേരെ ഗ്ലൂമി സണ്‍ഡേ ആത്മഹത്യയ്ക്ക് പ്രേരിപ്പിച്ചതായി കരുതപ്പെടുന്നു. ഇക്കാരണത്താല്‍ പല രാജ്യങ്ങളിലും റേഡിയോ സ്‌റ്റേഷനുകള്‍ ഇതിന്റെ പ്രക്ഷേപണം വിലക്കിയിരുന്നു. ഹൊറര്‍ സിനിമകള്‍ നിരന്തരം കാണാനും അതുവഴി മനസിന്റെ താളം തെറ്റിക്കാനും ഇത്തരം സാമൂഹ്യമാധ്യമങ്ങള്‍ക്ക് പ്രത്യേക കഴിവുണ്ട്.
കുട്ടികള്‍ നിരന്തരം നടത്തുന്ന യാത്രകളെക്കുറിച്ചും അവരുടെ സാമൂഹ്യമാധ്യമങ്ങളിലെ പങ്കാളിത്തത്തെക്കുറിച്ചും പങ്കാളികളെക്കുറിച്ചും രക്ഷിതാക്കള്‍ അറിഞ്ഞിരിക്കണമെന്നത് ഏറെ പ്രധാനപ്പെട്ട കാര്യമാണ്. ചില ഗെയിമുകളിലെ ടാസ്‌കുകള്‍ പൂര്‍ത്തിയാക്കാന്‍ പ്രത്യേക താളത്തില്‍ പാട്ടുകേട്ട് അതിവേഗത്തില്‍ ബൈക്കുകള്‍ ഓടിച്ചവര്‍ അപകടങ്ങളില്‍പ്പെട്ടതായി സൂചനയുണ്ട്. ഇത്തരത്തില്‍ അതിവേഗത്തില്‍ പോവുന്ന തങ്ങളുടെ ചിത്രങ്ങള്‍ ഇവരില്‍ പലരും സ്റ്റാറ്റസ് ആയി പോസ്റ്റു ചെയ്തിട്ടുണ്ട്. വിചിത്രമായ രീതികളിലാണ് കുട്ടികളുടെ പെരുമാറ്റവും മരണവുമെന്നാണ് ലഭിക്കുന്ന സൂചന. ജീവനൊടുക്കുംമുമ്പ്  ഇവര്‍ കൂട്ടുകാര്‍ക്ക് വിരുന്ന് നല്‍കിയിരുന്നു. ലഹരിയെ മഹത്വവത്കരിക്കുന്ന തരത്തിലുള്ള പോസ്റ്റുകളും ധാരാളം.

Related Articles

രാഷ്ട്രീയപാര്‍ട്ടികളുടെ ചട്ടുകങ്ങളാക്കി വിദ്യാര്‍ത്ഥികളെ മാറ്റരുത്-കെസിവൈഎം

കോട്ടപ്പുറം: വിദ്യാഭ്യാസ സ്ഥാപനങ്ങളില്‍ രാഷ്ട്രീയത്തിന്റെ പേരില്‍ നടക്കുന്ന കൊലപാതകങ്ങള്‍ തികച്ചും അപലനീയമാണെന്ന് കെസിവൈഎം കോട്ടപ്പുറം രൂപത വ്യക്തമാക്കി. വിദ്യാലയങ്ങള്‍ വിദ്യ അഭ്യസിക്കാനുള്ളതാണ്. അതിനെ രാഷ്ട്രീയ കുരുതിക്കളമാക്കരുത്. വിദ്യാര്‍ത്ഥി

ജീവനാദം മനോരമയെക്കാള്‍ മികച്ചത് ജോസഫ് കരിയില്‍ പിതാവിന്റെ പ്രസംഗം ശ്രദ്ധേയമാകുന്നു

കൊച്ചി :ലത്തീന്‍ കത്തോലിക്കാ സഭയുടെ മുഖപത്രമായ ജീവനാദത്തിന്റെ 15 ാം വാര്‍ഷികത്തൊടാനുബന്ധിച്ച് നടന്ന ജീവനാദം നവവത്സര പതിപ്പ് 2021 ന്റെ പ്രകാശന ചടങ്ങില്‍ അദ്ധ്യക്ഷത വഹിച്ച ബിഷപ്പ്

ഓസ്‌ട്രേലിയ കാട്ടുതീ പതിനായിരങ്ങളെ മാറ്റിപാര്‍പ്പിച്ചു

സിഡ്‌നി: ഓസ്‌ട്രേലിയയുടെ തെക്കുകിഴക്കന്‍ തീരത്തെ ന്യൂ സൗത്ത് വെയ്ല്‍സ്, വിക്‌ടോറിയ, സൗത്ത് ഓസ്‌ട്രേലിയ സംസ്ഥാനങ്ങളിലെ നിരവധി പട്ടണങ്ങളെ വിഴുങ്ങിയ രാജ്യത്തിന്റെ ചരിത്രത്തിലെ ഏറ്റവും ഭീഷണമായ കാട്ടുതീയില്‍ 123.5

No comments

Write a comment
No Comments Yet! You can be first to comment this post!

Write a Comment

Your e-mail address will not be published.
Required fields are marked*