സാമൂഹ്യ രാഷ്ട്രീയ രംഗത്ത് മുന്നേറ്റത്തിന് തയ്യാറാവുക: ബിഷപ്പ് ഡോ അലക്സ് വടക്കുംതല
( ലത്തീൻ കത്തോലിക്കാ സമുദായ ദിനം ആചരിച്ചു)
കണ്ണൂർ: സാമൂഹ്യ സാമ്പത്തിക രാഷ്ട്രീയ അദ്ധ്യാത്മിക രംഗങ്ങളിൽ ഒരു മുന്നേറ്റത്തിന് തയ്യാറെടുക്കാൻ ലത്തീൻ സമുദായ അംഗങ്ങളോട് കണ്ണൂർ രൂപത ബിഷപ്പ് ഡോ അലക്സ് വടക്കുംതല ആഹ്വാനം ചെയ്തു. ഈ രംഗങ്ങളിൽ ഒന്നും പ്രതീക്ഷയ്ക്കൊത്ത് ഉയരാൻ സമുദായ അംഗങ്ങൾക്ക് കഴിഞ്ഞിട്ടില്ലെന്നു, ലഭ്യമായ അവസരങ്ങൾ ഫലവത്തായി ഉപയോഗിക്കുന്നതിൽ സമുദായ അംഗങ്ങൾ പരാജയപ്പെടുന്നതാണ് ഈ പിന്നോക്കാവസ്ഥയ്ക്ക് കാരണമെന്നും ബിഷപ്പ് പറഞ്ഞു
അദ്ധ്യാത്മികവും സാമൂഹികവും രാഷ്ട്രീയവുമായ രംഗങ്ങളിൽ വളർച്ച കൈവരിക്കാൻ നമ്മുടെ മനോഭാവത്തിൽ മാറ്റം വരുത്താൻ തയ്യാറാകണം. ദൈവ രാജ്യത്തിന്റെ സന്തോഷം മറ്റുള്ളവർക്ക് പങ്കുവെക്കാൻ കഴിയുന്ന വ്യക്തിത്വങ്ങളായി രൂപപ്പെടാൻ ഓരോ സമുദായ അംഗത്തിനും കഴിയണം എന്ന് ബിഷപ്പ് തുടർന്നു പറഞ്ഞു.
കേരള ലാറ്റിൻ കാത്തലിക് അസോസിയേഷൻ( കെ എൽ സി .എ) സംഘടിപ്പിച്ച കണ്ണൂർ രൂപത ലത്തീൻ കത്തോലിക്കാ സമുദായ ദിനാഘോഷം കണ്ണൂർ രൂപത ഭദ്രാസന ദേവാലയമായ ബർണശ്ശേരി ഹോളി ട്രിനിറ്റി കത്തീഡ്രൽ അങ്കണത്തിൽ സമുദായ അംഗങ്ങളെ അഭിസംബോധന ചെയ്ത് സംസാരിക്കുകയായിരുന്നു അദ്ദേഹം.
സംസ്ഥാന പ്രസിഡന്റ് ആന്റണി നൊറോണ പതാക ഉയർത്തുകയും ബിഷപ്പ് സംവരണ സംരക്ഷണ പ്രതിജ്ഞ ചൊല്ലി കൊടുക്കുകയും ചെയ്തു. കെ.എൽ.സി.എ കണ്ണൂർ രൂപത പ്രസിഡന്റ് രതീഷ് ആന്റണി അധ്യക്ഷത വഹിച്ചു. ആഘോഷമായ ദിവ്യബലിക്കു കത്തീഡ്രൽ വികാരി മോൺ.ക്ലമന്റ് ലെയ്ഞ്ചൻ മുഖ്യകാർമികത്വം വഹിച്ചു. ഫാ.തങ്കച്ചൻ , ഫാ. റിജേഷ്
പാരീഷ് കൗൺസിൽ സെകട്ടറി ആൽഫ്രഡ് സെൽവരാജ്, രൂപത യൂണിറ്റ് ഭാരവാഹികളായ റിനേഷ് ആന്റണി, ജോയി പീറ്റർ , ഷീജ ഗിൽബർട്ട് , സീമ ക്ലിറ്റസ്, റീജ സ്റ്റീഫൻ , ലിജി സുധീർ , റെജി, ആൽഫ്രഡ് ഫെർണാണ്ടസ്, പീറ്റർ കണ്ണാടിപറമ്പ് എന്നിവർ പരിപാടികൾക്ക് നേതൃത്വം നൽകി.
Related Articles
‘കൃതി’യില്‍ ചവിട്ടുനാടകം ‘ജൂലിയസ് സീസര്‍’
എറണാകുളം: അന്താരാഷ്ട്ര പുസ്തകോല്‍സവത്തോടു അനുബന്ധിച്ച് എറണാകുളം മെറൈന്‍ഡ്രൈവില്‍വച്ച് നടത്തപ്പെടുന്ന കൃതി 2019 വേദിയില്‍ 16ന് വൈകുന്നേരം 6.30ന്, കേരള ഫോക്‌ലോര്‍ അക്കാദമിക്ക് വേണ്ടി കൊച്ചിന്‍ ചവിട്ടുനാടക കളരി
തീരനിയന്ത്രണ വിജ്ഞാപനം: ഭവനങ്ങള്‍ എന്തുവിലകൊടുത്തും സംരക്ഷിക്കും-കെഎല്‍സിഎ
ആലപ്പുഴ: തീര നിയന്ത്രണ വിജ്ഞാപനം സംബന്ധിച്ച ലംഘനങ്ങളുടെ റിപ്പോര്‍ട്ട് സുപ്രീം കോടതിയില്‍ സമര്‍പ്പിക്കുമ്പോള്‍ ഇപ്പോള്‍ തെറ്റായി ഉള്‍പ്പെടുത്തിയിട്ടുള്ള മത്സ്യത്തൊഴിലാളികള്‍ ഉള്‍പ്പെടെയുള്ള തദ്ദേശവാസികളുടെ ഭവനങ്ങള്‍ പട്ടികയില്‍നിന്ന് മാറ്റണമെന്ന്കേരള ലാറ്റിന്‍
സിനഡ് ത്രിഘട്ട പ്രയാണത്തിന് തുടക്കമായി
വത്തിക്കാന്‍ സിറ്റി: ”സിനഡാത്മക സഭയ്ക്ക്: കൂട്ടായ്മ, പങ്കാളിത്തം, ദൗത്യം” എന്ന മുഖ്യ പരിചിന്തനാവിഷയത്തെ ആധാരമാക്കി നടത്തുന്ന സിനഡ് ലോകമെമ്പാടുമുള്ള എല്ലാ വിശ്വാസികളെയും ഉള്‍ക്കൊള്ളാനും, പ്രത്യേകിച്ച് സാധാരണക്കാരെ
