Breaking News

സാഹോദര്യം നഷ്ടപ്പെടുത്തുന്ന നിയമങ്ങള്‍ പിന്‍വലിക്കണം – ബിഷപ് ഡോ. ജോസഫ് കാരിക്കശേരി

സാഹോദര്യം നഷ്ടപ്പെടുത്തുന്ന നിയമങ്ങള്‍ പിന്‍വലിക്കണം – ബിഷപ് ഡോ. ജോസഫ് കാരിക്കശേരി

കൊടുങ്ങല്ലൂര്‍: ഇന്ത്യയിലെ മതനിരപേക്ഷതയും മനുഷ്യര്‍ തമ്മിലുള്ള സാഹോദര്യവും നഷ്ടപ്പെടുത്തുന്ന നിയമഭേദഗതികള്‍ പിന്‍വലിക്കാന്‍ സര്‍ക്കാര്‍ തയ്യാറാകണമെന്ന് ബിഷപ് ഡോ. ജോസഫ് കാരിക്കശേരി ആവശ്യപ്പെട്ടു. പൗരത്വ നിയമഭേദഗതിക്കെതിരെ കൊടുങ്ങല്ലൂര്‍ പൗരാവലി സംഘടിപ്പിച്ച റാലി ഫഌഗ് ഓഫ് ചെയ്ത് സംസാരിക്കുകയായിരുന്നു ബിഷപ്. ന്യൂനപക്ഷങ്ങള്‍ക്ക് സംരക്ഷണം ഉറപ്പാക്കാനാണ് ഭരണഘടനാ ശില്പികള്‍ ശ്രമിച്ചത്. ഈ അവകാശങ്ങള്‍ കവര്‍ന്നെടുക്കാനുള്ള നീക്കങ്ങളാണ് ഭരണഘടനാ ഭേദഗതിയിലൂടെ നടന്നുകൊണ്ടിരിക്കുന്നത്. ജാതി, മത വ്യത്യാസമില്ലാതെ എല്ലാ ജനങ്ങളും ഇത്തരം വേര്‍തിരിവിനെതിരെ ഒന്നിക്കണമെന്നും ബിഷപ് കാരിക്കശേരി ആഹ്വാനം ചെയ്തു.
ചേരമാന്‍ പള്ളി പരിസരത്ത് നിന്നു മുനിസിപ്പല്‍ ടൗണ്‍ഹാളിലേക്കാണ് ബഹുജനറാലി സംഘടിപ്പിച്ചത്. കയ്പമംഗലം, കൊടുങ്ങല്ലൂര്‍ നിയോജക മണ്ഡലങ്ങളിലെ സ്ത്രീകളും കുട്ടികളും ഉള്‍പ്പെടെയുള്ള വന്‍ജനാവലിയോടൊപ്പം രാഷ്ട്രീയ, സാമൂഹിക, സാംസ്‌കാരിക പ്രവര്‍ത്തകരും അണിനിരന്നു.
ടൗണ്‍ഹാളില്‍ ചേര്‍ന്ന യോഗം ബെന്നി ബഹനാന്‍ എംപി ഉദ്ഘാടനം ചെയ്തു.
എംഎല്‍എമാരായ വി.ആര്‍.സുനില്‍കുമാര്‍, ഇ.ടി.ടൈസണ്‍ മാസ്റ്റര്‍, വി.ഡി.സതീശന്‍, സമസ്ത ജില്ലാ സെക്രട്ടറി പി.എസ്.കെ.മൊയ്തു ബാഖവി, ഡിസിസി സെക്രട്ടറി ടി.എം.നാസര്‍, ചേരമാന്‍ മഹല്ല് പ്രസിഡന്റ് ഡോ. പി.എ.മുഹമ്മദ് സഈദ്, സെക്രട്ടറി എസ്.എ.അബ്ദുള്‍ഖയ്യൂം തുടങ്ങിയവര്‍ പ്രകടനത്തിന് നേതൃത്വം നല്‍കി.


Related Articles

പൈതൃകം വില്പനയ്ക്ക്: ലൈനു ആന്റണി

ചരിത്രസ്മാരകമായ ചെങ്കോട്ടയുടെ പരിപാലനം കേന്ദ്രസര്‍ക്കാര്‍ ഡാല്‍മിയ ഗ്രൂപ്പിന് കൈമാറിയ നടപടിയില്‍ കത്തിപ്പിടിച്ച പ്രതിഷേധം തണുത്തുതുടങ്ങിയിരിക്കുന്നു. ചെങ്കോട്ടയുടെ പരിപാലനം പൂര്‍ണമായും സ്വകാര്യ കോര്‍പ്പറേറ്റ് ഗ്രൂപ്പിന് നല്‍കിയ നടപടിയെ രാഷ്ട്രീയപാര്‍ട്ടികളും

സര്‍ദാര്‍ പട്ടേലിന്റെ പ്രതിമയെ നോക്കുമ്പോള്‍

സര്‍ദാര്‍ വല്ലഭായ് പട്ടേലിന്റെ പൂര്‍ണ്ണകായ പ്രതിമ ഒക്‌ടോബര്‍ 31ന് രാഷ്ട്രത്തിന് സമര്‍പ്പിക്കുന്നു. സര്‍ദാര്‍ പട്ടേലിന്റെ ജന്മദിനമാണ് ഒക്‌ടോബര്‍ 31. ഇന്ദിരാഗാന്ധിയുടെ രക്തസാക്ഷിത്വദിനവും അന്നുതന്നെ. രണ്ടും രാഷ്ട്രം ഓര്‍മ്മിക്കേണ്ടതാണ്.

പുനരധിവാസത്തിനായി സമഗ്രമായ പുനരധിവാസ പാക്കേജ് പ്രഖ്യാപിക്കണമെന്ന് കെഎൽസിഎ

പ്രളയദുരിതമനുഭവിക്കുന്നവര്‍ക്കായി സംസ്ഥാന സര്‍ക്കാരിന്‍റ ദുരന്തനിവാരണവകുപ്പ് 16-8-18 തീയതി പ്രഖ്യാപിച്ച ദുരിതാശ്വാസനടപടികള്‍ക്കുപുറമേ നിലവിലെ കേരള ദുരന്തനിവാരണ നയത്തിനനുസൃതമായി സമഗ്രമായ പുനരധിവാസ പാക്കേജ് പ്രഖ്യാപിച്ച് സമയബന്ധിതമായി നടപ്പാക്കാന്‍ സംസ്ഥാന സര്‍ക്കാര്‍

No comments

Write a comment
No Comments Yet! You can be first to comment this post!

Write a Comment

Your e-mail address will not be published.
Required fields are marked*