സിആര്‍ഇസഡ് വിജ്ഞാപനം – സര്‍ക്കാര്‍ നീക്കം പുനപരിശോധിക്കണം – കെആര്‍എല്‍സിസി
എറണാകുളം: തീരപരിപാലനനിയമത്തില്‍ യഥാസമയത്തുള്ള നടപടികള്‍ സ്വീകരിക്കാതെ സര്‍ക്കാര്‍ പുതിയ പ്രതിസന്ധി രൂപപ്പെടുത്തിയതില്‍ കെആര്‍എല്‍സിസി രാഷ്ട്രീയകാര്യസമിതി ഉത്കണ്ഠ രേഖപ്പെടുത്തി. കേന്ദ്രസംസ്ഥാന സര്‍ക്കാരുകളുടെ മുമ്പില്‍ തീരദേശവാസികളുടെ ഭവനനിര്‍മാണത്തിന് തടസമാകുന്ന സിആര്‍ഇസഡ് വിജ്ഞാപനത്തിലെ അപാകതകള്‍ പലവട്ടം കെആര്‍എല്‍സിസിയും തീരജനതയും ഉയര്‍ത്തിക്കാണിച്ചതാണ്.
എന്നാല്‍ ദേശീയ ഹരിത ട്രിബ്യൂണല്‍ 2017 മെയ് 31ന് പുറപ്പെടുവിച്ച ഉത്തരവിന്റെ പശ്ചാത്തലത്തില്‍ കോസ്റ്റല്‍ സോണ്‍ മാനേജ്‌മെന്റ് പ്ലാന്‍ രൂപപ്പെടുത്താന്‍ എളുപ്പവഴികളാണ് സംസ്ഥാന സര്‍ക്കാര്‍ ഇപ്പോള്‍ ആലോചിക്കുന്നത്. കൃത്യമായ പഠനങ്ങളും നിഗമനങ്ങളുമില്ലാതെ നിര്‍മാണത്തിന് വിലക്കുള്ള മൂന്നാം സോണില്‍നിന്നും രണ്ടാം സോണിലേയ്ക്ക് പഞ്ചായത്ത് പ്രദേശങ്ങളെ മാറ്റുന്നതിനെക്കുറിച്ചുള്ള ആലോചനകള്‍ തീരം തീരദേശവാസികള്‍ക്ക് നഷ്ടപ്പെടുത്തി ടൂറിസ്റ്റ് ലോബികള്‍ക്ക് സ്വന്തമാക്കാനുള്ള സാഹചര്യമാണ് സൃഷ്ടിക്കുന്നത്.
കേരളത്തിന്റെ തീരക്കടലിന്റെയും തീരദേശത്തിന്റെയും യഥാര്‍ത്ഥ അവകാശികളും സംരക്ഷകരും തീദേശജനതയാണ്. 200 മീറ്റര്‍ ദൂരം വരെയുള്ള തീരം മത്സ്യത്തൊഴിലാളികളുടെയും പരമ്പരാഗത തീരദേശജനതയുടെയും ഉപയോഗത്തിനായി മാറ്റിവയ്ക്കപ്പെടണം. ഇവിടെ താമസിക്കുന്ന അര്‍ഹരായ എല്ലാവര്‍ക്കും പട്ടയം നല്കി ഭൂമിയുടെ ഉടമസ്ഥാവകാശം ഉറപ്പുവരുത്തണം. 1991നു മുന്‍പ് തീരത്തുതാമസിച്ചു വരുന്നവര്‍ക്കും പാരമ്പര്യാവകാശികള്‍ക്കും ഭവനനിര്‍മാണത്തിനും തൊഴില്‍പരമായ ആവശ്യങ്ങള്‍ക്കുമുള്ള നിര്‍മാണ പ്രവര്‍ത്തനങ്ങള്‍ക്ക് ഏര്‍പ്പെടുത്തിയിട്ടുള്ള നിയന്ത്രണങ്ങള്‍ പൂര്‍ണമായും ഒഴിവാക്കണം. മാലിന്യസംസ്‌കരണത്തിന് ആവശ്യമായ നിബന്ധനകളോടെ നിര്‍മാണ അനുമതി നല്കുന്നതിനുള്ള അധികാരം തദ്ദേശഭരണ സ്ഥാപനങ്ങള്‍ക്കു നല്കുകയും അത് സേവനാവകാശനിയമത്തിന്റെ പരിധിയില്‍ കൊണ്ടുവരികയും ചെയ്യണം. 2011ലെ തീരദേശ നിയന്ത്രണ വിജ്ഞാപനത്തിലെ അപാകതകളും, തീരദേശ സംസ്ഥാനങ്ങളും സമൂഹങ്ങളും ചൂണ്ടിക്കാണിച്ച ന്യൂനതകളും പഠിക്കാനായി 2014 ജൂണില്‍ കേന്ദ്രസര്‍ക്കാര്‍ നിയോഗിച്ച ഡോ. സൈലേഷ് നായിക്ക് കമ്മിറ്റി സമഗ്രമായ റിപ്പോര്‍ട്ട് സമര്‍പ്പിച്ചിട്ടുണ്ട്. ബന്ധപ്പെട്ട എല്ലാവരുമായി ചര്‍ച്ചചെയ്ത് ആവശ്യമായ ഭേദഗതികള്‍ വരുത്തി വേണം ഈ റിപ്പോര്‍ട്ടിന്മേല്‍ നടപടി സ്വീകരിക്കാന്‍. ഓഖി ദുരിതാശ്വാസത്തിന് ചുഴലിക്കാറ്റ് ദുരന്തം വിതച്ച് 100 ദിവസം കഴിഞ്ഞിട്ടും സര്‍ക്കാരിന്റെ ദുരിതാശ്വാസപ്രവര്‍ത്തനങ്ങള്‍ ക്രിയാത്മകമായി നടക്കുന്നില്ലെന്ന് കെആര്‍എല്‍സിസി കുറപ്പെടുത്തി. പ്രഖ്യാപിച്ച വാഗ്ദാനങ്ങള്‍ പലതും പൂര്‍ത്തീകരിക്കാനുള്ള ശ്രമങ്ങള്‍ നടക്കുന്നില്ല. ഈ സാഹചര്യത്തില്‍ സംസ്ഥാനസര്‍ക്കാരിന് പൊതുജനങ്ങളില്‍ നിന്നും വിവിധ സംഘടനകളില്‍നിന്നും ലഭിച്ച തുക എത്രയാണെന്നും അത് എങ്ങനെ വി
നിയോഗം ചെയ്‌തെന്നും വെളിപ്പെടുത്തണമെന്ന് യോഗം ആവശ്യ
പ്പെട്ടു.
കെആര്‍എല്‍സിസി വൈസ് പ്രസിഡന്റ് ഷാജി ജോര്‍ജ് യോഗത്തില്‍ അദ്ധ്യക്ഷനായിരുന്നു. കെആര്‍എല്‍സിസി ജനറല്‍ സെക്രട്ടറി ഫാ. ഫ്രാന്‍സിസ് സേവ്യര്‍ താന്നിക്കാപ്പറമ്പില്‍, തിരുവനന്തപുരം അതിരൂപത വികാരി ജനറല്‍ മോണ്‍. യൂജിന്‍ എച്ച്. പെരേര, ആന്റണി നൊറോണ, ബെന്നി പാപ്പച്ചന്‍, മോണ്‍. ജെയിംസ് കുലാസ്, ജക്കോബി, ജോസഫ് ജൂഡ്, വി. കെ കുഞ്ഞച്ചന്‍, പി. ജെ തോമസ്, സ്മിത ബിജോയി, മെറ്റില്‍ഡ മൈക്കിള്‍, അഡ്വ. ഷെറി ജെ. തോമസ്, ഫാ. തോമസ് തറയില്‍, ആന്‍ഡ്രൂസ് പൊന്‍സേക എന്നിവര്‍ ചര്‍ച്ചകളില്‍ പങ്കെടുത്തു.
Related Articles
തെരഞ്ഞെടുപ്പ് നിയന്ത്രിക്കുന്നത് സാമൂഹ്യമാധ്യമങ്ങള്‍
കേരളത്തില്‍ ഏറ്റവും കൂടുതല്‍ വികസനഫണ്ട് വിനിയോഗിച്ച പാര്‍ലമെന്റ് അംഗത്തെ എന്തുകൊണ്ട് പ്രമുഖരാഷ്ട്രീയപാര്‍ട്ടി തെരഞ്ഞെടുപ്പ് ഗോദയില്‍ നിന്നും ഒഴിവാക്കിയെന്നത് നാളെ വലിയൊരു ചോദ്യമായി ഉയര്‍ന്നുവന്നേക്കാം. പകരക്കാരന്‍ വിജയിച്ചില്ലെങ്കില്‍ മാറ്റം
കടലില്‍ വലിയ തിരകള്‍ക്ക് സാധ്യത; തീരദേശവാസികള്‍ക്ക് മുന്നറിയിപ്പ്
തിരുവനന്തപുരം: ഇന്ന് വൈകുന്നേരം 5.30 മുതല്‍ വെള്ളിയാഴ്ച രാത്രി 11.30 വരെ കേരള, തമിഴ്‌നാട്, കര്‍ണാടക, ലക്ഷദ്വീപ് തീരത്തോട് ചേര്‍ന്നുള്ള കടല്‍ പ്രക്ഷുബ്ധമാവാന്‍ സാധ്യതയുണ്ടെന്ന് കാലാവസ്ഥാ നിരീക്ഷണ
തിളക്കമേറിയ ഒരു ക്രിക്കറ്റ് യുഗത്തിനു കൂടി തിരശീല
ഇന്ത്യയുടെ ഇടംകയ്യന്‍ സ്റ്റൈലീഷ് ബാറ്റ്‌സ്മാന്‍ യുവി എന്ന യുവരാജ് സിംഗ് രാജ്യാന്തര ക്രിക്കറ്റില്‍ നിന്നും വിരമിച്ചു. 2011 ലോകകപ്പിലെ ഹീറോ ആയിരുന്ന യുവരാജ് ഇംഗ്ലണ്ടില്‍ 2019ലെ ലോകകപ്പ്
