സിനഡ്‌ പൂര്‍വ സമ്മേളനം റോമില്‍
ബംഗളൂരു: യുവജനങ്ങളെ സംബന്ധിച്ച്‌ ഒക്‌ടോബറില്‍ വത്തിക്കാനില്‍ നടക്കുന്ന ബിഷപ്പുമാരുടെ സിനഡിന്‌ ഒരുക്കമായി അടുത്ത മാസം റോമില്‍ ചേരുന്ന യുവപ്രതിനിധികളുടെ രാജ്യാന്തര സമ്മേളനത്തില്‍ പങ്കെടുക്കാന്‍ ഇന്ത്യയില്‍ നിന്നു തെരഞ്ഞെടുക്കപ്പെട്ട അഞ്ചുപേരില്‍ കോട്ടപ്പുറം രൂപതയില്‍ നിന്നുള്ള പോള്‍ ജോസും. സിസിബിഐ ഇന്ത്യന്‍ കാത്തലിക്‌ യൂത്ത്‌ മൂവ്‌മെന്റ്‌ (ഐസിവൈഎം) ജനറല്‍ സെക്രട്ടറിയാണ്‌ പോള്‍ ജോസ്‌.
ഹൈന്ദവ മതത്തിന്റെ പ്രതിനിധിയായി മുംബൈ വസായില്‍ നിന്നുള്ള സന്ദീപ്‌ പാണ്ഡെയും, സിഖ്‌ മതത്തിന്റെ പ്രതിനിധിയായി ജലന്ധറില്‍ നിന്നുള്ള ഇന്ദര്‍ജിത്‌ സിംഗും റോമിലെ സമ്മേളനത്തില്‍ പങ്കെടുക്കുമെന്ന്‌ ഇന്ത്യയിലെ ലത്തീന്‍ കത്തോലിക്കാ രൂപതകളുടെ മെത്രാന്‍ സമിതിയുടെ (സിസിബിഐ) ദേശീയ യൂത്ത്‌ കമ്മീഷന്‍ ചെയര്‍മാനും ജലന്ധര്‍ ബിഷപ്പുമായ ഡോ. ഫ്രാങ്കോ മുളക്കല്‍ അറിയിച്ചു. ഐസിവൈഎം ദേശീയ പ്രസിഡന്റ്‌ പേര്‍സിവല്‍ ഹോള്‍ട്ട്‌ (ഡല്‍ഹി അതിരൂപത), ഐസിവൈഎം വക്താവ്‌ ശില്‍പ്പ എക്ക (റൂര്‍കേല രൂപത, ഒഡിഷ) എന്നിവരാണ്‌ റോമിലെ സമ്മേളനത്തില്‍ പങ്കെടുക്കുന്ന ഇന്ത്യക്കാരായ മറ്റു രണ്ട്‌ പ്രതിനിധികള്‍.
`യുവജനങ്ങള്‍: വിശ്വാസവും ദൈവവിളി തിരിച്ചറിയലും’ എന്ന വിഷയത്തില്‍ അധിഷ്‌ഠിതമായ മെത്രാന്മാരുടെ സിനഡിന്റെ പരിഗണനയ്‌ക്കായി സമര്‍പ്പിക്കാനുള്ള രേഖയുമായി ബന്ധപ്പെട്ട ചര്‍ച്ചകള്‍ക്കായി വിളിച്ചുകൂട്ടുന്ന യുവജനപ്രതിനിധി സമ്മേളനത്തില്‍ വിവിധ രാജ്യങ്ങളില്‍ നിന്നായി 300 യുവനേതാക്കള്‍ പങ്കെടുക്കും.
മറ്റു മതവിശ്വാസങ്ങളില്‍ നിന്നുള്ളവരെയും കേള്‍ക്കുവാന്‍ സന്നദ്ധമായ സഭയ്‌ക്ക്‌ ലോകത്തിലെ യുവജനങ്ങള്‍ക്കുവേണ്ട പ്രത്യാശയും ആദര്‍ശനിഷ്‌ഠമായ ദിശാബോധവും നല്‍കാന്‍ കഴിയുമെന്ന്‌ ബിഷപ്പുമാരുടെ സിനഡിന്റെ സെക്രട്ടറി ജനറല്‍ കര്‍ദിനാള്‍ ലോറന്‍സോ ബാള്‍ദിസേരി പറഞ്ഞു. ഇന്ത്യയില്‍ നിന്നുള്ള യുവപ്രതിനിധികള്‍ക്ക്‌ കുരുത്തോല പെരുന്നാളിന്‌ ഫ്രാന്‍സിസ്‌ പാപ്പായുമായി കൂടിക്കാഴ്‌ചയ്‌ക്ക്‌ അവസരം ലഭിക്കും.
Related Articles
കാര്‍ഷിക നിയമങ്ങള്‍ക്കെതിരായ കര്‍ഷക സമരം ശക്തമാകുന്നു.
ന്യൂഡല്‍ഹി: ദേശീയ കര്‍ഷക പ്രക്ഷോഭം 21 ാം ദിവസത്തിലേക്ക് കടക്കുമ്പോള്‍ ഡല്‍ഹിയിലേക്കുള്ള ദേശീയ പാതകള്‍ കര്‍ഷകര്‍ ഉപരോധിക്കുന്നത് തുടരുന്നു.കാര്‍ഷകരുടെ സമരത്തില്‍ കേന്ദ്ര സര്‍ക്കാരിന്റെ ചര്‍ച്ചകള്‍ ഫലം കാണാതെ
എന്ന്, സ്വന്തം ചെല്ലാനംതാത്തി… ഒടുക്കത്ത ഒപ്പ്!
എന്റ കൊച്ചേ, കാക്കനാട്ടെ ശേഖരതമ്പ്രാന് ക്ഷോഭം വരണന്ന്. കടലിളകി കലിതുള്ളി കുടിലുകളേം വീടുകളേം കൊളമാക്കി പാഞ്ഞതിന്റെ കദനം പറയാന്‍ തമ്പ്രാന്റെ മാളികവരെ നെഞ്ചുപിടഞ്ഞ് ഓടിയെത്തിയ ചെല്ലാനത്തെ കടലിന്റെ
സുബ്രതോ കപ്പിനായി ലിഫ റസിഡൻഷ്യൽ അക്കാദമിയിലെ താരങ്ങൾ തയ്യാർ
തിരുവനന്തപുരം: കടലോളം സ്വപ്നവുമായി കടലിന്റെ കുരുന്നുകൾ സുബ്രതോ കപ്പിനായി ഇന്ന് ഡൽഹിയിലേക്ക് പോകുന്നു. കേരളത്തിൽ നിന്നുമുള്ള ആയിരത്തോളം സ്‌കൂൾ ടീമുകളെ പിന്നിലാക്കിയാണ് അണ്ടർ 14 ലിഫ റസിഡൻഷ്യൽ
