Breaking News

സിവില്‍ സര്‍വീസില്‍ വിജയഗാഥയുമായി നിര്‍മല്‍ ഔസേപ്പ്

സിവില്‍ സര്‍വീസില്‍ വിജയഗാഥയുമായി നിര്‍മല്‍ ഔസേപ്പ്

ആലപ്പുഴ: കഠിനാധ്വാനത്തിന്റെ മറുവാക്കാകുകയാണ് ആലപ്പുഴക്കാരന്‍ നിര്‍മല്‍ ഔസേപ്പ്. എംബിബിഎസ് പാസായതിനു ശേഷമാണ് പുതിയ മേഖലയിലേക്ക് കടന്നു വന്നത്. സിവില്‍ സര്‍വീസ് ഒരു സ്വപ്‌നമായി എന്നും കൂടെയുണ്ടായിരുന്നുവെന്ന് നിര്‍മല്‍ പറയുന്നു. തുമ്പോളി ക്രൈസ്റ്റ് ഭവനില്‍ ക്രൈസ്റ്റ് കോളജ് ഡയറക്ടര്‍ ബി.എസ് ഔസേപ്പച്ചന്റെയും വിനീതയുടെയും മകനാണ് നിര്‍മല്‍.
ഒന്നില്‍ പിഴച്ചാല്‍ മൂന്നില്‍ എന്ന ചൊല്ലും നിര്‍മല്‍ ഔസേപ്പ് തിരുത്തിയെഴുതി. മൂന്നിലും പിഴച്ചുവെങ്കിലും തളരാതെ, നാലാം ചാട്ടത്തില്‍ 329-ാം റാങ്കുമായാണ് നിര്‍മല്‍ കഠിനാധ്വാനത്തിന്റെ ബ്രാന്‍ഡ് അംബാസഡറാകുന്നത്. മൂന്നാംതവണ അഭിമുഖം വരെ എത്തിയിരുന്നു.
പാലാ സിവില്‍ സര്‍വീസ് ഇന്‍സ്റ്റിറ്റിയൂട്ടിലും തിരുവനന്തപുരം എജ്യുസോണിലുമായി തുടര്‍ച്ചയായ പരിശീലനത്തിന്റെ ഫലമാണ് വിജയം. ഐഎഎസ് ആണ് ഇഷ്ടമെന്ന് നിര്‍മല്‍ പറയുന്നു. ലക്ഷ്യം ജനസേവനം തന്നെ. അപ്പച്ചന്‍ ഔസേപ്പെന്ന ഔസേപ്പച്ചന്‍ തന്നെയാണ് പ്രചോദനം. ലാളിത്യവും ഭവ്യതയും കൈമുതലായുള്ള നിര്‍മല്‍ സ്വയംവിലയിരുത്തലാണ് കരിയറിന്റെ ഭാവി നിശ്ചയിക്കുന്നതെന്ന അഭിപ്രായക്കാരനാണ്. ഏതു തൊഴിലെടുത്താലും അതില്‍ സേവനത്തിന്റെ മുദ്ര ചാര്‍ത്താന്‍ ശ്രമിക്കും. ഡോക്ടറായാലും എന്‍ജിനീയറായാലും ഐഎഎസുകാരനോ ഐടി ജീവനക്കാരനോ ആരായാലും തന്റെ സേവനവും കരുതലും കാത്തിരിക്കുന്നവരുണ്ടെന്ന ചിന്തയാണ് ജീവിതത്തില്‍ നിറഞ്ഞുനില്‍ക്കേണ്ടതെന്നും നിര്‍മലിന് അഭിപ്രായമുണ്ട്.
തൃശൂര്‍ ജൂബിലി മിഷന്‍ മെഡിക്കല്‍ കോളജില്‍നിന്നാണ് എംബിബിഎസ് നേടിയത്. പിന്നീട് സിവില്‍ സര്‍വീസ് മോഹം കാരണം ആ മേഖല ഉപേക്ഷിച്ചു. ആലപ്പുഴയുടെയും കേരളത്തിന്റെയും അഭിമാനമായി മാറിയ നിര്‍മലിനെ മുഖ്യമന്ത്രി പിണറായി വിജയന്‍ ഉപഹാരം നല്കി അഭിനന്ദിച്ചു. നിര്‍മലിന്റെ സഹോദരി നിവേദ്യ എംബിബിഎസ് വിദ്യാര്‍ഥിനിയാണ്. തുമ്പോളി സെന്റ് തോമസ് ഇടവകാംഗമാണ് നിര്‍മല്‍ ഔസേപ്പ്.


Tags assigned to this article:
iasnirmal ousepachan

Related Articles

കേന്ദ്ര നിര്‍ദേശം പാലിക്കുമെന്ന് മന്ത്രിസഭ; 4 മേഖലകളായി തിരിക്കാന്‍ തീരുമാനം

സാലറി ചാലഞ്ചില്‍ തീരുമാനമായില്ല ഇളവുകള്‍ സംബന്ധിച്ച തീരുമാനം തിങ്കളാഴ്ച തിരുവനന്തപുരം: ലോക്ഡൗണ്‍ സംബന്ധിച്ച് കേന്ദ്രസര്‍ക്കാര്‍ പുറപ്പെടുവിച്ച മാര്‍ഗനിര്‍ദേശങ്ങള്‍ കര്‍ശനമായി പാലിക്കാന്‍ മന്ത്രിസഭായോഗത്തില്‍ തീരുമാനം. വിവിധമേഖലകള്‍ക്ക് പിന്നീട് ഇളവുനല്‍കാനും

രോഗികളായ കുട്ടികൾക്ക് ക്രിസ്തുമസ് സമ്മാനവുമായി ഒബാമ ആശുപത്രിയിൽ എത്തി

സമ്മാനങ്ങൾ ഒളിപ്പിച്ച ബാഗും തോളിൽ തൂക്കി ക്രിസ്മസ് ആശംസകളുമായി എത്തിയ സാന്താക്ലോസിനെ കണ്ട് വാഷിങ്ടൺ ഡിസിയിലെ ചിൽഡ്രൻസ് നാഷണൽ ആശുപത്രി ജീവനക്കാരും രോഗികളും ഒന്നമ്പരന്നു. അവരുടെ പ്രിയപ്പെട്ട

ഭവനകേന്ദ്രീകൃത ഓൺലൈൻ മതബോധന ക്ളാസുകൾ

  KRLCBC മതബോധന കമ്മിഷൻ ഗുഡ്നസ് ടി വി യിലൂടെ തിങ്കൾ മുതൽ ശനി വരെ രാവിലെ 11 മണിക്ക് പ്രക്ഷേപണം ചെയ്യുന്ന ഭവനകേന്ദ്രീകൃത ഓൺലൈൻ മതബോധന

No comments

Write a comment
No Comments Yet! You can be first to comment this post!

Write a Comment

Your e-mail address will not be published.
Required fields are marked*