Breaking News

സോളമന്‍ ദേവാലയം നിര്‍മിക്കുന്നു

സോളമന്‍ ദേവാലയം നിര്‍മിക്കുന്നു

ജറുസലേമില്‍ വലിയൊരു ആലയം ദൈവത്തിനായി നിര്‍മിക്കണമെന്നത് ദാവീദിന്റെ വലിയ ആഗ്രഹമായിരുന്നു. എന്നാല്‍ ആഗ്രഹം നടക്കാതെയാണ് ദാവീദ് മരിച്ചത്. ദാവീദിന്റെ പുത്രനായ സോളമനെയായിരുന്നു ദൈവം അതിനായി തെരഞ്ഞെടുത്തിരുന്നത്.
സോളമനെ രാജാവായി അഭിഷേകം ചെയ്ത വാര്‍ത്തയറിഞ്ഞ് ടയിറിലെ രാജാവും ദാവീദിന്റെ സുഹൃത്തുമായ ഹീരാം കൊട്ടാരത്തിലെത്തി. ജറുസലേമില്‍ ഒരു ദേവാലയം നിര്‍മിക്കാനുള്ള തന്റെ ആഗ്രഹം സോളമന്‍ ഹീരാമിനെ അറിയിച്ചു. ഹീരാമും സന്തുഷ്ടനായി. തന്റെ എല്ലാ സഹായവും അദ്ദേഹം സോളമന് വാഗ്ദാനം ചെയ്തു.
രാജ്യത്തിന്റെ എല്ലാ ഭാഗത്തുനിന്നും അടിമകളെ ദേവാലയ നിര്‍മിതിക്കായി സോളമന്‍ വരുത്തി. ‘ചുമടെടുക്കാന്‍ എഴുപതിനായിരവും മലയില്‍ കല്ലുവെട്ടാന്‍ എണ്‍പതിനായിരവും ആളുകള്‍ ഉണ്ടായിരുന്നു. ജോലിക്കാരുടെ മേല്‍നോട്ടം വഹിച്ചിരുന്ന മൂവായിരത്തി മുന്നൂറു ആളുകള്‍ക്കു പുറമേ ആയിരുന്നു ഇവര്‍’ (1 രാജാക്കന്മാര്‍ 5-15).
സോളമന്‍ സിംഹാസനത്തിലേറി നാലാമത്തെ വര്‍ഷമാണ് ജറുസലേം ദേവാലയത്തിന്റെ നിര്‍മാണം ആരംഭിച്ചത്. ഇസ്രായേല്‍ ജനത്തെ ദൈവം ഈജിപ്തിന്റെ അടിമത്തത്തില്‍ നിന്നു മോചിപ്പിച്ചതിന്റെ 480-ാം വര്‍ഷമായിരുന്നു അത്. ദേവാലയ നിര്‍മാണത്തിനുള്ള കല്ലുകള്‍ നേരത്തെ തന്നെ ചെത്തിമിനുക്കിയിരുന്നതിനാല്‍ വലിയൊരു കെട്ടിടം നിര്‍മിക്കുന്നതിന്റെ ശബ്ദമൊന്നും കേട്ടിരുന്നില്ല. അപൂര്‍മായ ദേവദാരു, സരളമരം എന്നിവ ഉപയോഗിച്ചായിരുന്നു മരപ്പണികള്‍. കല്ലുകളെല്ലാം മരംകൊണ്ട് പൊതിഞ്ഞിരുന്നു. ശ്രീകോവില്‍ തങ്കംകൊണ്ടു പൊതിഞ്ഞു. ദേവാലയം മൊത്തം സ്വര്‍ണംകൊണ്ടു പൊതിഞ്ഞു. ഏഴു വര്‍ഷമെടുത്തു ദേവാലയം പൂര്‍ത്തിയാകാന്‍. ദേവാലയത്തിന്റെ വലുപ്പവും നിര്‍മിതിയും സംബന്ധിച്ച വിശദവിവരങ്ങള്‍ രാജാക്കന്മാരുടെ ഒന്നാമത്തെ പുസ്തകം 6, 7 അധ്യായങ്ങളില്‍ വിശദമാക്കിയിട്ടുണ്ട്. പിച്ചളകൊണ്ടുള്ള മനോഹരമായ പണികളെല്ലാം ഹീരാമിന്റെ നേതൃത്വത്തിലായിരുന്നു ചെയ്തത്.
ഇസ്രായേല്‍ ജനത്തെ ഈജിപ്തിന്റെ അടിമത്തത്തില്‍ നിന്നു മോചിപ്പിച്ചശേഷം ദൈവം തന്റെ ജനങ്ങളുമായി ചെയ്ത ഉടമ്പടിയുടെ ഫലകം സ്ഥാപിച്ചിരുന്ന വാഗ്ദാനപേടകം ദാവീദിന്റെ നഗരമായിരുന്ന സീയോനിലായിരുന്നു ഉണ്ടായിരുന്നത്. സോളമന്‍ വാഗ്ദാനപേടകം സീയോനില്‍നിന്നു കൊണ്ടുവന്ന് ദേവാലയത്തില്‍ പ്രതിഷ്ഠിച്ചു.
(തുടരും)


Related Articles

വിദ്യാഭ്യാസ മേഖല കൂടുതല്‍ മെച്ചപ്പെടണം -ബിഷപ് ഡോ. സ്റ്റാന്‍ലി റോമന്‍

പത്തനാപുരം: വികസിത സമൂഹത്തിനായുള്ള മുന്നേറ്റത്തില്‍ ലത്തീന്‍ കത്തോലിക്കരുടെ വിദ്യാഭ്യാസ മേഖല കാലത്തിനനുസൃതമായി മെച്ചപ്പെടണമെന്ന് കെആര്‍എല്‍സിബിസി വിദ്യാഭ്യാസ കമ്മീഷന്‍ അധ്യക്ഷനായ ബിഷപ് എമരിറ്റസ് ഡോ. സ്റ്റാന്‍ലി റോമന്‍ പറഞ്ഞു.

‘കറുത്ത നിയമങ്ങള്‍ സര്‍ക്കാര്‍ പിന്‍വലിച്ചില്ലെങ്കില്‍, ഞാന്‍ എന്റെ രാജീവ് ഗാന്ധി ഖേല്‍ രത്ന അവാര്‍ഡ് തിരികെ നല്‍കും’ – വിജേന്ദ്രര്‍ സിങ്ങ്.

ന്യൂഡല്‍ഹി: കര്‍ഷകരുടെ പ്രക്ഷോഭത്തിന് പിന്‍ന്തുണയുമായി ഇന്ത്യയുടെ ഒളിമ്പിക്ക് മെഡല്‍ ജേതാവും ബോക്‌സറുമായ വിജേന്ദര്‍ സിങ്ങ്. കാര്‍ഷിക നിയമങ്ങള്‍ പിന്‍വലിച്ചില്ലെങ്കില്‍ രാജീവ് ഗാന്ധി ഖേല്‍ രത്ന അവാര്‍ഡ് തിരികെ

പിന്നാക്ക വിഭാഗങ്ങള്‍ക്ക് നീതി ലഭിക്കണമെങ്കില്‍ അധികാരത്തില്‍ പങ്കാളിത്തം അനിവാര്യം – മന്ത്രി കെ. കൃഷ്ണന്‍കുട്ടി

കൊല്ലം: ഭരണഘടന അനുശാസിക്കുന്ന സാമൂഹിക, സാമ്പത്തിക, രാഷ്ട്രീയ നീതി പാവപ്പെട്ടവര്‍ക്കും പിന്നാക്ക സമുദായക്കാര്‍ക്കും ലഭിക്കണമെങ്കില്‍ അധികാരത്തില്‍ അവര്‍ക്കും പങ്കാളിത്തം ഉറപ്പാക്കേണ്ടതുണ്ടെന്ന് ജലവിഭവമന്ത്രി കെ. കൃഷ്ണന്‍കുട്ടി പറഞ്ഞു. കേരള

No comments

Write a comment
No Comments Yet! You can be first to comment this post!

Write a Comment

Your e-mail address will not be published.
Required fields are marked*