സ്റ്റുഡന്റ്‌സ് ബിനാലെ-2018 അപേക്ഷ ക്ഷണിച്ചു
കൊച്ചി-മുസിരിസ് ബിനാലെ നാലാം എഡിഷനോത്തോടനുബന്ധിച്ച് നടത്തുന്ന സ്റ്റുഡന്റ്‌സ് ബിനാലെ-2018ലേക്ക് അപേക്ഷകള്‍ ക്ഷണിച്ചു. ദക്ഷിണേഷ്യയിലെ വിദ്യാര്‍ത്ഥികള്‍ക്ക് അപേക്ഷിക്കാം. പ്രമുഖ ആര്‍ട്ടിസ്റ്റ് അനിത ദുബെ ക്യൂറേറ്റ് ചെയ്യുന്ന കൊച്ചി-മുസിരിസ് ബിനാലെ ലക്കം ഡിസംബര്‍ 12ന് ആരംഭിക്കും. ഇന്ത്യയ്ക്കകത്തു നിന്നുള്ള ബിഎഫ്എ (മൂന്നാം വര്‍ഷം, നാലാം വര്‍ഷം, അവസാനവര്‍ഷം) എംഎഫ്എ (ഒന്നും രണ്ടും വര്‍ഷം) വിദ്യാര്‍ത്ഥികള്‍ക്കാണ് അപേക്ഷിക്കാനര്‍ഹതയുള്ളത്. തിരഞ്ഞെടുക്കപ്പെടുന്ന ആശയങ്ങള്‍ക്ക് പ്രൊഡക്ഷന്‍ ഗ്രാന്റും കൊച്ചിയില്‍ സ്റ്റുഡന്റ്‌സ് ബിനാലെയില്‍ പങ്കെടുക്കാനുള്ള സൗകര്യവും ലഭിക്കും. ബിനാലെ പ്രതിനിധികള്‍ അഫ്ഘാനിസ്ഥാന്‍, ബംഗ്ലാദേശ്, ഭൂട്ടാന്‍, മാലിദ്വീപ്, നേപ്പാള്‍, പാക്കിസ്ഥാന്‍, ശ്രീലങ്ക, മ്യാന്‍മാര്‍ എന്നീ സാര്‍ക്ക് രാജ്യങ്ങള്‍ സന്ദര്‍ശിച്ച് അവിടങ്ങളിലുള്ള സമകാലീന കലാവിദ്യകള്‍ക്ക് തങ്ങളുടെ കഴിവ് സ്റ്റുഡന്റ ബിനാലെയില്‍ പ്രദര്‍ശിപ്പിക്കാന്‍ അവസരം നല്‍കും.
സ്റ്റുഡന്റ്‌സ് ബിനാലെ ക്യൂറേറ്റര്‍മാരായ സി. പി കൃഷ്ണപ്രിയ, എം. പി നിഷാദ്, കെ. പി റെജി, സഞ്ജയന്‍ഘോഷ്, ശ്രുതി രാമലിംഗയ്യ, ശുക്ലസാവന്ത് എന്നിവര്‍ ഇന്ത്യയില്‍ നിന്നും തിരഞ്ഞെടുക്കപ്പെടുന്ന വിദ്യാര്‍ത്ഥി കലാകാരന്മാര്‍ക്കൊപ്പം പ്രവര്‍ത്തിക്കും. കൊച്ചി ബിനാലെ ഫൗണ്ടേഷന്‍ സെക്രട്ടറിയും ബിനാലെ പ്രോഗ്രാം ഡയറക്ടറുമായ റിയാസ് കോമു സാര്‍ക്ക് രാജ്യങ്ങളിലെ വിദ്യാര്‍ത്ഥികളുടെ സൃഷ്ടികള്‍ തിരഞ്ഞെടുക്കും. മേക്കിംഗ് ആസ് തിങ്കിംഗ് (നിര്‍മാണത്തിലൂടെ ചിന്തനം) എന്നതാണ് ഇക്കുറി സ്റ്റുഡന്റ് ബിനാലെയുടെ പ്രമേയം. താല്‍പര്യമുള്ള വിദ്യാര്‍ത്ഥികള്‍ ബിനാലെ വെബ്‌സൈറ്റായ www. kochimuzirisbiennale.org/students-biennale- .വഴി അപേക്ഷിക്കാവുന്നതാണ്. അപേക്ഷകള്‍ സ്വീകരിക്കുന്ന അവസാന തീയതി ഈ മാസം 31.
Related Articles
മരുഭൂമിയിലും നടുക്കടലിലും ഉപേക്ഷിക്കപ്പെട്ടവര്‍ക്കായി
പേര്‍ഷ്യന്‍ ഗള്‍ഫിലെ അറബ് രാജ്യങ്ങളില്‍ കഴിയുന്ന 32 ലക്ഷം പ്രവാസി മലയാളികള്‍ ഉള്‍പ്പെടെ ലോകത്തിലെ ഏറ്റവും വലിയ കുടിയേറ്റ സമൂഹം 175 ലക്ഷം വരുന്ന ഇന്ത്യക്കാരാണ്. കൊറോണവൈറസ്
വായന കണ്ടെത്തുന്ന വര്‍ത്തമാനങ്ങള്‍
ശരത്കാലത്തിന്റെ ചിറകുകളെപ്പറ്റിയും അഗ്നിയുടെയും മഞ്ഞിന്റെയും കുതിപ്പുകളെക്കുറിച്ചും കഥകളെഴുതുന്ന അമേരിക്കന്‍ എഴുത്തുകാരന്‍ ജോര്‍ജ് ആര്‍.ആര്‍. മാര്‍ട്ടിന്‍ തന്റെ ഒരു ചെറുകുറിപ്പില്‍ എഴുതി: മരണമെത്തും മുന്‍പേ ഹാ, വായനക്കാരി, നീ
കര്‍ണാടകത്തില്‍ ലോക്ഡൗണ്‍ ലംഘിച്ച് രഥോല്‍സവം
ബംഗളൂരു: രാജ്യത്ത് കൊവിഡ് രോഗഭീതി നിലനില്‍ക്കെ കര്‍ണാടകയില്‍ ലോക്ഡൗണ്‍ ലംഘിച്ച് രഥോല്‍സവം നടത്തി. കര്‍ണാടകയിലെ കൊവിഡ് തീവ്രബാധിത മേഖലയായ കല്‍ബുര്‍ഗിയിലാണ് ലോക്ഡൗണ്‍ നിര്‍ദ്ദേശങ്ങള്‍ ലംഘിച്ച് രഥോല്‍സവം നടത്തിയത്.
