Breaking News

204 ഡോക്ടര്‍മാരെക്കൂടി ആരോഗ്യകേന്ദ്രങ്ങളില്‍ നിയമിച്ചു

204 ഡോക്ടര്‍മാരെക്കൂടി ആരോഗ്യകേന്ദ്രങ്ങളില്‍ നിയമിച്ചു

തിരുവനന്തപുരം: കൊവിഡ് പ്രതിരോധത്തിനായി സര്‍ക്കാര്‍ ആരോഗ്യകേന്ദ്രങ്ങളിലേക്ക് 204 ഡോക്ടര്‍മാരെ അധികമായി നിയമിച്ചു. ഗ്രാമപഞ്ചായത്തുകളുടെ തനതു ഫണ്ടില്‍നിന്ന് ശമ്പളം നല്‍കിയാണ് നിയമനം.  പ്രാഥമികാരോഗ്യകേന്ദ്രങ്ങളില്‍ നിലവിലുള്ള മെഡിക്കല്‍ ഓഫീസര്‍ക്ക് പുറമേയാണിത്.
പഞ്ചായത്ത് പരിധിയിലുള്ള 3396 ഡോക്ടര്‍മാര്‍, 5851 നേഴ്സുമാര്‍, 4086 പാരാമെഡിക്കല്‍ ജീവനക്കാര്‍, 280 ലാബ് ടെക്നീഷ്യന്മാര്‍, 3410 മെഡിക്കല്‍ വിദ്യാര്‍ഥികള്‍, 7730 പാലിയേറ്റിവ് കെയര്‍പ്രവര്‍ത്തകര്‍ എന്നിവരുടെ റിസര്‍വ് പട്ടികയും തയ്യാറാക്കിയിട്ടുണ്ട്. കൊവിഡ്-19 ഹോട്ട്സ്പോട്ട് ആകാന്‍ സാധ്യതയുള്ള 67പഞ്ചായത്തില്‍ അത്യാവശ്യ സാഹചര്യം നേരിടുന്നതിന് ഫസ്റ്റ്‌ലൈന്‍ ചികിത്സാകേന്ദ്രങ്ങള്‍ക്ക് കെട്ടിടങ്ങളും കണ്ടെത്തി. നിലവിലുള്ള കോവിഡ് കെയര്‍ സെന്ററുകള്‍ക്കും ഐസൊലേഷന്‍ സെന്ററുകള്‍ക്കും പുറമെ  2378 കെട്ടിടമാണ് സജ്ജമാക്കിയത്. ഭക്ഷ്യധാന്യങ്ങള്‍ സൂക്ഷിക്കുന്നതിന് 1383 കെട്ടിടവുമുണ്ട്.  നിലവിലുള്ള ലേബര്‍ ക്യാമ്പുകള്‍ കൂടാതെ, അതിഥിത്തൊഴിലാളികള്‍ക്കായി 20 താല്‍ക്കാലിക ക്യാമ്പ് ആരംഭിച്ചു.
ഗ്രാമപഞ്ചായത്തുകളുടെ കൊവിഡ് പ്രതിരോധപ്രവര്‍ത്തനങ്ങള്‍ ഏകോപിപ്പിക്കുന്നതും സ്ഥിതിവിവരങ്ങള്‍  ലഭ്യമാക്കുന്നതും പഞ്ചായത്ത് ഡയറക്ടറേറ്റിലും ജില്ലാ ഓഫീസുകളിലും വാര്‍ റൂമുകളാണ്. 941 ഗ്രാമപഞ്ചായത്തിലായി 1031 സമൂഹഅടുക്കള സജ്ജമാക്കി. പ്രതിദിനം ശരാശരി 141430 എന്ന കണക്കില്‍ 24,04,310 ഭക്ഷണപൊതി ആവശ്യക്കാര്‍ക്ക് എത്തിച്ചു. 21,71,726 എണ്ണം സൗജന്യമായാണ് വിതരണം ചെയ്തത്. ഭൂരിഭാഗം അടുക്കളകള്‍ക്കും  അവശ്യവസ്തുക്കള്‍ സന്നദ്ധ സഹായമായാണ് സമാഹരിക്കുന്നത്. ജനങ്ങള്‍ക്ക് ന്യായവിലയ്ക്ക് ഭക്ഷണം നല്‍കുന്നതിന് 134 ജനകീയ ഹോട്ടലുകളും ഗ്രാമപ്രദേശങ്ങളില്‍മാത്രം പ്രവര്‍ത്തനം ആരംഭിച്ചു. 20 രൂപയ്ക്കാണ് ഊണ് . ദുരന്തനിവാരണവുമായി ബന്ധപ്പെട്ട് പഞ്ചായത്തുകള്‍ രൂപീകരിച്ച 48,817 അടിയന്തര പ്രതികരണ ടീം അംഗങ്ങളാണ് ഭക്ഷണപ്പൊതികളും മരുന്നും അവശ്യസാധനങ്ങളും ജനങ്ങള്‍ക്ക്  എത്തിക്കുന്നത്. നിരീക്ഷണത്തിനായി 15,898 വാര്‍ഡുതല നിരീക്ഷണകമ്മിറ്റികളെയും നിയോഗിച്ചു. 15,962 വാര്‍ഡുതല ഹെല്‍ത്ത് കമ്മിറ്റിയും 15962 ആരോഗ്യ ജാഗ്രതാസമിതിയും പഞ്ചായത്തുകളില്‍ പ്രവര്‍ത്തിക്കുന്നു.


Tags assigned to this article:
appointedcoviddoctorsjeeva newsjeevanaadamkerala

Related Articles

മധു കൊല ചെയ്യപ്പെട്ടതിന്റെ രാഷ്ട്രീയം

മധുവിനെ തച്ചുകൊന്നതാണ്‌. അയാള്‍ക്ക്‌ വിശന്നിരുന്നു. കാടിന്റെയുള്ളില്‍ നിന്ന്‌ വലിച്ചിഴച്ച്‌്‌ കൈമാറുമ്പോള്‍ നമ്മള്‍ കരുതി നീതി നടപ്പാക്കുകയാണെന്ന്‌. അനീതിയുടെയും അക്രമത്തിന്റെയും ദംഷ്‌ട്രങ്ങള്‍ നീട്ടിയ സമൂഹമെന്ന്‌ നമ്മളെ ലോകം വിളിക്കുന്നു.

‘സബ്കാ വിശ്വാസ്’ അത്ര എളുപ്പമല്ല

ഇന്ത്യയിലുടനീളം യോഗാദിനത്തെക്കുറിച്ചുള്ള വാര്‍ത്തകളും ചിത്രങ്ങളും പ്രചരിച്ചുകൊണ്ടിരുന്ന ജൂണ്‍ 21-ാം തീയതി വെള്ളിയാഴ്ച യുഎസ് സെനറ്റില്‍ സ്റ്റേറ്റ് സെക്രട്ടറി മൈക്ക് പോംപിയോ അന്തര്‍ദേശീയ മതസ്വാതന്ത്ര്യത്തെപ്പറ്റിയുള്ള റിപ്പോര്‍ട്ട് അവതരിപ്പിക്കുകയായിരുന്നു. അതേദിവസം

പാനൂരില്‍ നാലാം ക്ലാസ് വിദ്യാര്‍ഥിനിയെ പീഡിപ്പിച്ച അധ്യാപകന്‍ അറസ്റ്റില്‍

തലശേരി: പാനൂരിനടുത്ത പാലത്തായി സ്‌കൂളിലെ നാലാംക്ലാസുകാരിയെ പീഡിപ്പിച്ച ഇതേ സ്‌കൂളിലെ അധ്യാപകനും ബിജെപി-ആര്‍എസ്എസ് നേതാവുമായ കടവത്തൂര്‍ മുണ്ടത്തോട്ടെ കുറുങ്ങാട്ട് കുനിയില്‍ പത്മരാജനെ(45) പൊലീസ് അറസ്റ്റു ചെയ്തു. കുട്ടിയുടെ

No comments

Write a comment
No Comments Yet! You can be first to comment this post!

Write a Comment

Your e-mail address will not be published.
Required fields are marked*