30ഓളം കുടുംബങ്ങള്‍ക്ക് ആശ്വാസഭവനങ്ങൾ ഒരുക്കി കോട്ടപ്പുറം കിഡ്‌സ്

30ഓളം കുടുംബങ്ങള്‍ക്ക് ആശ്വാസഭവനങ്ങൾ  ഒരുക്കി കോട്ടപ്പുറം കിഡ്‌സ്

കോട്ടപ്പുറം: കൊടുങ്ങല്ലൂര്‍ മഹാപ്രളയത്തില്‍ വീടുകള്‍ പൂര്‍ണ്ണമായി തകര്‍ന്ന നിരാലംബരായ 30ഓളം കുടുംബങ്ങള്‍ക്ക് താല്‍ക്കാലിക ഭവനം ഒരുക്കി കോട്ടപ്പുറം രൂപതയുടെ സാമുഹ്യ സേവനവിഭാഗമായ കോട്ടപ്പുറം ഇന്റഗ്രേറ്റഡ് ഡെവലപ്‌മെന്റ് സൊസൈറ്റി (കിഡ്‌സ്).
പട്ടയം ഇല്ലാത്ത ഭൂമിയില്‍ ആകെ ഉണ്ടായിരുന്ന ഒരു ചെറിയ കൂര നഷ്ടപ്പെട്ട് ഏകയായി കഴിയുന്ന ചക്കമാട്ടില്‍ ലത, പ്രളയത്തില്‍ വീട് തകര്‍ന്നതിനെ തുടര്‍ന്ന് ഭാര്യയും 4 വയസ്സും 6 മാസവും പ്രായമുള്ള മക്കളും പിതാവുമായി മഴവെള്ള സംഭരണിയില്‍ കഴിച്ചുകൂട്ടിയ കൈതത്തറ ആന്റണി എന്നിവരടക്കമുള്ള ഏറ്റവും ദുരിതമനുഭവിക്കുന്ന 30ഓളം കുടുംബങ്ങള്‍ക്കാണ് കിഡ്‌സ് താല്‍ക്കാലിക ഭവനങ്ങള്‍ നിര്‍മിച്ച് നല്‍കുന്നത്. അറുപതിനായിരം രൂപയാണ് ഒരോ താല്‍ക്കാലിക ഭവനങ്ങള്‍ക്കും ചിലവ് വരുന്നത്. 150ചതുരശ്ര അടി വിസ്തീര്‍ണ്ണത്തില്‍ ഷീറ്റ്‌കൊണ്ട് നിര്‍മ്മിച്ച ഷെഡ് ആണ് ഒരുക്കുന്നത്. താല്‍ക്കാലിക ഭവനങ്ങള്‍ക്ക് പകരം സ്ഥിരം ഭവനങ്ങള്‍ നിര്‍മിക്കുവാനുള്ള പദ്ധതിയും കിഡ്‌സ് ആസൂത്രണം ചെയ്യുന്നു. നിലവിലെ താല്‍ക്കാലിക ഭവനം അടുക്കളയായി മാറ്റിയെടുക്കുവാന്‍ സാധിക്കുന്ന രീതിയിലാണ് രൂപകല്‍പന ചെയ്തിരിക്കുന്നത്.
പദ്ധതിയുടെ ഉദ്ഘാടനം കിഡ്‌സ് ഡയറക്ടര്‍ ഫാ. പോള്‍ തോമസ് കളത്തില്‍ നിര്‍വഹിച്ചു. അസി. ഡയറക്ടര്‍ ഫാ. ക്ലീറ്റസ് കോച്ചിക്കാട്ട്, സെന്റ് മൈക്കിള്‍സ് കത്തീഡ്രല്‍ അസി. വികാരി ഫാ. ജെയിംസ് അറക്കത്തറ, കൗണ്‍സിലര്‍ വി. എം ജോണി, സാമുഹ്യപ്രവര്‍ത്തകനായ ഷഹിന്‍ കെ. മൊയ്തീന്‍ തുടങ്ങിയവര്‍ സന്നിഹിതരായിരുന്നു.


Related Articles

നിയമസഭ തിരഞ്ഞെടുപ്പ് മത്സ്യത്തൊഴിലാളി പ്രതിനിധിയെ മത്സരിപ്പിക്കണം: ബിഷപ് ഡോ. പോള്‍ ആന്റണി മുല്ലശേരി

  കൊല്ലം: കേരളത്തിലെ മത്സ്യത്തൊഴിലാളി സമൂഹം ഏറെ ആശങ്കകളും പ്രതിസന്ധികളും അനഭവിക്കുന്ന കാലത്ത് നടക്കുന്ന തിരഞ്ഞെടുപ്പ് ഈ സമൂഹം വളരെ പ്രതീക്ഷയോടെ നോക്കിക്കാണുന്നുവെന്ന് കൊല്ലം ബിഷപ് ഡോ.

പോരാട്ടത്തിന്റെ കനല്‍ച്ചാലുകള്‍ താണ്ടി നവതിയില്‍

എറണാകുളം: ഹൃദയത്തോടു ചേര്‍ത്തുവച്ച ആദര്‍ശരാഷ്ട്രീയ സിദ്ധാന്തങ്ങളുടെയും വിപ്ലവപാര്‍ട്ടിയുടെ സംഘടനാതത്വങ്ങളുടെയും പാരുഷ്യങ്ങള്‍ക്ക് അതീതമായ മാനവികതയുടെ സൗമ്യദീപ്തി നിറഞ്ഞ ഓര്‍മകളില്‍ മുഴുകുമ്പോഴും തൊണ്ണൂറുകാരനായ എം.എം. ലോറന്‍സ് എന്ന കമ്യൂണിസ്റ്റ് നേതാവ്

കാര്‍ഷിക നിയമങ്ങള്‍ക്കെതിരെ കര്‍ഷകര്‍ക്ക് സമരം ചെയ്യാം- സുപ്രീം കോടതി.

ന്യൂഡല്‍ഹി: വഴി തടഞ്ഞുള്ള സമരം കര്‍ഷകര്‍ അവസാനിപ്പിക്കണമെന്ന് ആവശ്യപ്പെട്ട് സര്‍ക്കാര്‍ നല്‍കിയ ഹര്‍ജിയിലാണ് കര്‍ഷകര്‍ക്ക് സമരം ചെയ്യാനുള്ള അധികാരമുണ്ടെന്നും അതില്‍ ഇടപെടില്ലെന്നും സുപ്രീം കോടതി വ്യക്തമാക്കിയത്. കാര്‍ഷിക

No comments

Write a comment
No Comments Yet! You can be first to comment this post!

Write a Comment

Your e-mail address will not be published.
Required fields are marked*