സമാധാനമേകുന്ന ദൈവകൃപ
വരുവാനിരിക്കുന്ന രക്ഷകനെക്കുറിച്ചുള്ള ആദ്യപ്രവചനം നടത്തിയ ഏശയ്യ പ്രവാചകന്‍ രക്ഷകനെക്കുറിച്ച് നാലു കാര്യങ്ങളാണ് വ്യക്തമാക്കുന്നത്. രക്ഷകന്‍ വിസ്മയനീയനായ ഉപദേഷ്ടാവായിരിക്കും, ശക്തനായ ദൈവമായിരിക്കും, നിത്യനായ പിതാവായിരിക്കും, സമാധാനത്തിന്റെ രാജാവായിരിക്കും (ഏശയ്യ 9:6). ദൈവം വാഗ്ദാനം ചെയ്ത രക്ഷകന്‍ സമയത്തിന്റെ പൂര്‍ണതയില്‍ മനുഷ്യാവതാരം ചെയ്തപ്പോള്‍ ഈ സദ്‌വാര്‍ത്ത അവിടെ ഉണ്ടായിരുന്ന ആട്ടിടയന്മാര്‍ക്ക് കൈമാറിയ ദൈവത്തിന്റെ ദൂതന്‍ പറഞ്ഞത് രണ്ടു കാര്യങ്ങളാണ്: രക്ഷകന്‍ എല്ലാവര്‍ക്കും വേണ്ടിയുള്ള വാഗ്ദാനമാണ് (ലൂക്ക 2:11), അത്യുന്നതങ്ങളില്‍ ദൈവത്തിനു മഹത്വം ഭൂമിയില്‍ ദൈവകൃപ നിറഞ്ഞവര്‍ക്ക് സമാധാനം (ലൂക്ക 2:14).
രക്ഷകനെക്കുറിച്ച് ഏശയ്യ പറഞ്ഞ നാലു കാര്യങ്ങളില്‍ നാലാമത്തെ കാര്യം ഇവിടെ ദൈവദൂതന്‍ ആവര്‍ത്തിക്കുമ്പോള്‍ രക്ഷകന്‍ എല്ലാവര്‍ക്കുമുള്ള വാഗ്ദാനമാണ് എന്നതില്‍ നിന്നും തികച്ചും വ്യത്യസ്തമായി രക്ഷകന്‍ നല്‍കുന്ന സമാധാനം ദൈവകൃപ നിറഞ്ഞവര്‍ക്ക് മാത്രമുള്ളതാണെന്ന വസ്തുത ഇവിടെ ധ്യാനവിഷയമാകുന്നു.
ഏശയ്യ പ്രവാചകന്റെ പുസ്തകം 66-ാം അധ്യായം 2-ാം വാക്യത്തില്‍ വചനം ഇപ്രകാരം പറയുന്നു. ‘ആത്മാവില്‍ എളിമയും അനുതാപവും ഉണ്ടായിരിക്കുകയും എന്റെ വചനം ശ്രവിക്കുമ്പോള്‍ വിറയ്ക്കുകയും ചെയ്യുന്നവനെയാണ് ഞാന്‍ കടാക്ഷിക്കുക’ ദൈവത്തിന്റെ ഈ കടാക്ഷമാണ് ദൈവകൃപ. അവിടുത്തെ ഹിതത്തോടുള്ള ചേര്‍ന്നുനില്‍പ്. അതിനായി നമ്മള്‍ ആത്മാവില്‍ എളിമയും അനുതാപവും വചനത്തിന്റെ നിറവും ഉള്ളവരാകണമെന്ന് ഇവിടെ വ്യക്തമാണ്.
ലൂക്ക 1:28ല്‍ ദൈവദൂതന്‍ മറിയത്തെ നോക്കി; ”ദൈവകൃപ നിറഞ്ഞവളെ സ്വസ്തി” എന്ന അഭിവാദനം ചെയ്തത് ദൈവത്തിന്റെ ഈ കടാക്ഷം അവള്‍ക്ക് ഉണ്ടായിരുന്നതുകൊണ്ടാണ്. 1 കോറി 15:10ല്‍ വിശുദ്ധ പൗലോസ് അപ്പസ്‌തോലന്‍ ദൈവം തനിക്ക് നല്‍കിയ സമാധാനത്തെയും സംരക്ഷണത്തെയും ഓര്‍ത്തുകൊണ്ട് പറയുന്നുണ്ട്: ”ഞാന്‍ എന്തായിരിക്കുന്നുവോ അതു ദൈവത്തിന്റെ കൃപയിലാണ്.” അതിനാല്‍ സ്‌നേഹമുള്ളവരെ, രക്ഷകന്റെ മനുഷ്യാവതാര രഹസ്യം അനുസ്മരിക്കപ്പെടുന്ന ഈ ആഗമനകാലഘട്ടത്തില്‍ അവന്‍ നല്‍കുന്ന സമാധാനവും രക്ഷയും സ്വന്തമാക്കത്തക്കരീതിയില്‍ നമുക്ക് ദൈവഹിതത്തോട് ചേര്‍ന്നുനിന്ന് ദൈവകൃപയുള്ളവരായി രൂപാന്തരപ്പെടാം. അതിനായി 1 പത്രോസ് 5:6ല്‍ പറയുന്നതുപോലെ ”ദൈവത്തിന്റെ ശക്തമായ കരത്തിന്‍ കീഴില്‍ നമുക്ക് താഴ്മയോടെ നില്‍ക്കാം”. അങ്ങനെ യേശുവിന്റെ രണ്ടാം വരവില്‍ അവന്റെ വലതുഭാഗത്തു നിന്ന് സ്വര്‍ഗീയ സമാധാനത്തിലേക്ക് പ്രവേശിക്കാം.
Related Articles
റോയ് ജോര്‍ജ്കുട്ടി: ചവിട്ടുനാടകത്തെ ഹൃദയത്തോടു ചേര്‍ത്ത കലാകാരന്‍
ആന്‍സന്‍ കുറുമ്പത്തുരുത്ത് പിതാവ് ജോര്‍ജ്കുട്ടി ആശാന്റെ കരം പിടിച്ച് പന്ത്രണ്ടാം വയസില്‍ കൊച്ചുഗീവര്‍ഗീസ് ആയി ചവിട്ടുനാടക രംഗത്തേക്ക് കടന്നുവന്ന ബാലന്‍. ചുവടുകളും പാട്ടും താളവും, അഭിനയവും കുട്ടിക്കാലം
തലോജ ജയിലിൽ നിന്നുള്ള ഒരു ദീപാവലി കത്ത്…
ഫാ. സ്റ്റാൻ സ്വാമി എഴുതിയ കത്തിൽ നിന്നുള്ള ഭാഗങ്ങൾ. ജയിലിലെ തന്റെ സഹമുറിയൻ ആയ അരുൺ ഫെറെയ്റയുടെ സഹായത്തോടെ ജയിലിൽ നിന്ന് സ്റ്റാൻ സ്വാമി എസ്.ജെ
ആര്‍ച്ച്ബിഷപ് ഡോ. അലോഷ്യസ് മരിയ ബെന്‍സിഗറും ഫാ. അദെയോദാത്തൂസ് ഒസിഡിയും ദൈവദാസപദവിയില്‍
കൊല്ലം/തിരുവനന്തപുരം: അവിഭക്ത കൊല്ലം രൂപതയുടെ മെത്രാനായിരുന്ന ഭാഗ്യസ്മരണാര്‍ഹനായ ആര്‍ച്ച്ബിഷപ് ഡോ. അലോഷ്യസ് മരിയ ബെന്‍സിഗര്‍ ഒസിഡിയും തീക്ഷ്ണമതിയായ മിഷണറി മുതിയാവിള വല്ല്യച്ചന്‍ എന്നറിയപ്പെട്ടിരുന്ന ഫാ. അദെയോദാത്തൂസ് ഒസിഡിയും
