50 കുടുംബങ്ങള്‍ക്ക് ഭവനനിര്‍മാണ പൂര്‍ത്തീകരണത്തിന് തിരുവനന്തപുരം അതിരൂപത ഒരു കോടി നല്‍കി
തിരുവനന്തപുരം: വീട് എന്ന സ്വപ്‌ന സാക്ഷാത്കാരത്തിനായി തിരുവനന്തപുരം ലത്തീന്‍ അതിരൂപതയുടെ കൈത്താങ്ങ്. സര്‍ക്കാര്‍-സര്‍ക്കാരിതര സംഘടനകളുടെ ധനസഹായത്തോടെ നിര്‍മാണം ആരംഭിച്ചതും എന്നാല്‍ സാമ്പത്തിക പരാധീനതമൂലം പണി പൂര്‍ത്തിയാക്കാന്‍ കഴിയാത്തതുമായ 50 കുടുംബങ്ങള്‍ക്ക് പണി പൂര്‍ത്തിയാക്കുന്നതിനായി 2 ലക്ഷം രൂപ വീതം നല്‍കിയാണ് തിരുവനന്തപുരം അതിരൂപത നിര്‍ധന ജനവിഭാഗങ്ങളോട് പക്ഷം ചേര്‍ന്നത്.
ട്രിവാന്‍ഡ്രം സോഷ്യല്‍ സര്‍വ്വീസ് സൊസൈറ്റിയുടെ ആഭിമുഖ്യത്തില്‍ അതിരൂപത രൂപം നല്‍കിയ ‘ഭവനം ഒരു സമ്മാനം’ പദ്ധതിയുടെ മൂന്നാം ഘട്ടത്തിലുള്‍പ്പെടുത്തിയാണ് ഭവന നിര്‍മാണ പൂര്‍ത്തീകരണത്തിന് 1 കോടി രൂപ വിതരണം ചെയ്യുന്നത്. ഇതിന്റെ ആദ്യ ഗഡുവായി 50,000 രൂപ വീതം 50 കുടുംബങ്ങള്‍ക്ക് ആര്‍ച്ച്ബിഷപ് ഡോ. എം. സൂസപാക്യം വിതരണം ചെയ്തു. ‘ഭവനം ഒരു സമ്മാനം’ പദ്ധതിയിന്‍ കീഴില്‍ ഇതിനകം 102 വീ
ടുകള്‍ നിര്‍മിച്ചു നല്‍കിയിട്ടുണ്ട്. 16 വീടുകളുടെ പണി നടന്നുവരുന്നു. നാലാം ഘട്ടത്തില്‍ ഓഖി ദുരിത ബാധിതര്‍ക്കായി 100 വീടുകള്‍ നിര്‍മിച്ചു നല്‍കാനാണ് പദ്ധതിയെന്ന് ധനസഹായം വിതരണം ചെയ്ത് ആര്‍ച്ച്ബിഷപ് പറഞ്ഞു.
ഒന്നിച്ചുനില്‍ക്കാനും ഉള്ളത് പങ്കുവയ്ക്കാനും തയ്യാറായാല്‍ ഏതു പ്രതിസന്ധി ഘട്ടങ്ങളെയും തരണം ചെയ്യാന്‍ സമൂഹത്തിന് കഴിയുമെന്ന് ആര്‍ച്ച്ബിഷപ് പറഞ്ഞു. ഇതിന് ഒട്ടേറെ ഉദാഹരണങ്ങള്‍ നമ്മുടെ നിത്യജീവിതത്തില്‍ ദൃശ്യമാണ്.
മദ്യത്തിനും ആര്‍ഭാടത്തിനും വേണ്ടി നാം ചിലവഴിക്കുന്ന തുക പാവപ്പെട്ടവരുടെയും നാടിന്റെയും നന്മക്കും വികസനത്തിനും വേണ്ടി ചിലവഴിക്കാന്‍ കഴിഞ്ഞാല്‍ നാട്ടില്‍ സമത്വവും സംതൃപ്തിയും വളരുമെന്നും ആര്‍ച്ച്ബിഷപ് പറഞ്ഞു. ചടങ്ങില്‍ റ്റിഎസ്എസ്എസ് ഡയറക്ടര്‍ ഫാ. ലെനിന്‍ രാജ്, ഫാ. ഡോണി ഡി. പോള്‍, നോഡല്‍ ഓഫീസര്‍ ജറാള്‍ഡ് എന്നിവര്‍ പ്രസംഗിച്ചു.
Related Articles
കെസിവൈഎം കൊച്ചി രൂപതയുടെ കലോത്സവം ‘ഫെസ്റ്റാ 2020’ ന്‌ തുടക്കമായി.
കൊച്ചി രൂപതയിലെ ഇടവകകളിൽ നിന്നുള്ള യുവജനങ്ങളെ പങ്കെടുപ്പിച്ചു കൊണ്ട് നടത്തപ്പെടുന്ന കെ.സി.വൈ.എം. കൊച്ചി രൂപതാ കലോത്സവം ‘Festa 2020’ കെ.സി.വൈ.എം സംസ്ഥാന പ്രസിഡന്റ് ബിജോ പി. ബാബു
പൊലിയുന്ന ഗള്‍ഫ് സ്വപ്‌നം
മലയാളികളുടെ സ്വപ്‌നഭൂമിയായിരുന്ന അറേബ്യന്‍ ഗള്‍ഫ് രാജ്യങ്ങളില്‍ നിന്ന് പ്രവാസികള്‍ വലിയ തോതില്‍ നാട്ടിലേക്ക് തിരിച്ചുവരുന്ന കാഴ്ചയാണ് കൊവിഡ് കാലത്ത് കാണാനാകുന്നത്. അന്യദേശത്തെ അരക്ഷിതാവസ്ഥയില്‍ നിന്ന് പിറന്നനാടിന്റെ ദുരവസ്ഥയിലേക്കുതന്നെ
ഒഡിഷയില്‍ നിന്നു കേരളം പഠിക്കേണ്ടത്
പ്രചണ്ഡ സംഹാരശക്തിയില്‍ നാലാം കാറ്റഗറിയില്‍ പെട്ട ഫോനി എന്ന അതിതീവ്ര ചുഴലിക്കാറ്റ് ഇന്ത്യയുടെ കിഴക്കന്‍ തീരത്ത് കൊടിയ നാശനഷ്ടങ്ങളുടെ ഇരുണ്ട ഇടനാഴി തീര്‍ത്ത് കഴിഞ്ഞ വെള്ളിയാഴ്ച കടന്നുപോയപ്പോള്‍
