Breaking News
ന്യൂനപക്ഷ അവകാശമോ പിന്നാക്കവിഭാഗ അവകാശമോ ഏതാണ് കൂടുതല്‍ ഗുണപ്രദം?
പേര് കേള്‍ക്കാന്‍ സുഖം ന്യൂനപക്ഷാവകാശം എന്നുതന്നെ. പിന്നാക്ക അവകാശത്തില്‍ പേരില്‍തന്നെ പിന്നാക്കാവസ്ഥ ഉണ്ടല്ലോ എന്നതാവും ഒരു വൈമനസ്യം. പതിറ്റാണ്ടുകളായി അവസരം
...0ന്യൂനപക്ഷ സമത്വം പിന്നാക്കക്കാര്‍ക്ക് തിരിച്ചടിയാകരുത്
സംസ്ഥാനത്ത് ന്യൂനപക്ഷ സമുദായങ്ങളുടെ ക്ഷേമത്തിനായി സര്‍ക്കാര്‍ നടപ്പാക്കിവന്ന പദ്ധതികളില്‍ ചിലതെങ്കിലും സമഗ്രമായി പൊളിച്ചെഴുതേണ്ടത് അനിവാര്യമാക്കുന്നതാണ് വിദ്യാഭ്യാസ മെറിറ്റ് സ്‌കോളര്‍ഷിപ്വീതംവയ്ക്കുന്നതിലെ അനുപാതക്രമം
...0ന്യൂനപക്ഷാവകാശങ്ങള്‍ കോടതി കയറുമ്പോള്‍
അവകാശങ്ങളെക്കുറിച്ച് ഉന്നതമായ അവബോധം ഇന്നു സമൂഹത്തിനുണ്ട്. പാവ്ളോ ഫ്രെയ്റേയെപ്പോലുള്ളവര്‍ ഒരുകാലത്ത് അത്തരം അവബോധം ജനിപ്പിക്കാന്‍വേണ്ടി ബോധവല്‍ക്കരണ പരിപാടികളുമായി നടന്നിട്ടുണ്ട്. ഇന്ന്
...0ന്യൂനപക്ഷ സ്‌കോളര്‍ഷിപ് വിധി: ക്ഷേമപദ്ധതികള്‍ അസാധുവാക്കിയ നടപടി ഖേദകരമെന്ന് കെആര്‍എല്‍സിസി
ജനാധിപത്യ ഭരണകൂടങ്ങള്‍ ആവശ്യമായ പഠനങ്ങളുടെ അടിസ്ഥാനത്തില്‍ ദുര്‍ബല ജനവിഭാഗങ്ങളുടെ ശക്തീകരണത്തിനായി പ്രഖ്യാപിച്ച ക്ഷേമപദ്ധതികള്‍ അസാധുവാക്കിയ കോടതി നടപടി ഖേദകരമെന്ന് കേരള
...0സൗമ്യ സന്തോഷിന്റെ മൃതസംസ്കാര ശുശ്രൂഷകള്‍ക്ക് ഇടുക്കി രൂപതാധ്യക്ഷന്‍ മുഖ്യകാര്‍മ്മികത്വം വഹിക്കും
ന്യൂഡല്‍ഹി: ഇസ്രേയേൽ കൊല്ലപ്പെട്ട സൗമ്യ സന്തോഷിന്റെ മൃതദേഹം കേന്ദ്രമന്ത്രി വി മുരളീധരന്‍ ഡല്‍ഹി രാജ്യാന്തര വിമാനത്താവളത്തില്‍ മൃതദേഹം ഏറ്റുവാങ്ങി. വൈകുന്നേരത്തോടെ എയര്‍
...0ഉജ്ജ്വല സാക്ഷ്യത്തിന്റെ ഉന്നതശക്തി
ഒറ്റ വാക്യത്തില്‍ അപ്പസ്തോലന്മാരുടെ പ്രവര്‍ത്തനങ്ങള്‍ എന്ന ഗ്രന്ഥത്തിന്റെ സാരസംഗ്രഹം നമുക്കു കാണാനാകും: ”പരിശുദ്ധാത്മാവു വന്നുകഴിയുമ്പോള്‍ നിങ്ങള്‍ ശക്തിപ്രാപിക്കും. ജറുസലേമിലും യൂദയാമുഴുവനിലും
...0
ഷൈന് ടോം ചാക്കോയുമായി അഭിമുഖം
സുകുമാരക്കുറുപ്പ്, ചാക്കോ എന്നീ രണ്ടുപേരുകള്‍ മലയാളികളെ മൂന്നു ദശാബ്ദമായി വേട്ടയാടിക്കൊണ്ടിരിക്കുകയാണ്. ഇന്‍ഷ്വറന്‍സ് തുക തട്ടിയെടുക്കാന്‍ ചാക്കോ എന്ന യുവാവിനെ കാറിലിട്ട് ചുട്ടുകൊന്ന് സുകുമാരക്കുറുപ്പ് ഒളിവില്‍ പോയി. കാലമിത്രയും കഴിഞ്ഞിട്ടും അന്വേഷണ ഏജന്‍സികള്‍ക്ക് സുകുമാരക്കുറുപ്പിന്റെ പൊടിപോലും കണ്ടുകിട്ടിയിട്ടില്ല. കുറുപ്പ് എന്ന പേരില്‍ ശ്രീനാഥ് രാജേന്ദ്രന്‍ സംവിധാനം ചെയ്യുന്ന ചിത്രത്തിലാണ് ഷൈന് ടോം ചാക്കോ ഇപ്പോള്‍ അഭിനയിച്ചുകൊണ്ടിരിക്കുന്നത്. കുറുപ്പായോ ചാക്കോ ആയോ അല്ല, സംഭവത്തിലെ അധികം അറിയപ്പെടാത്ത മറ്റൊരു കഥാപാത്രമായി.
സുകുമാരക്കുറുപ്പ് മുങ്ങിയെങ്കിലും കുറ്റകൃത്യത്തില്‍ അയാളുടെ പങ്കാളിയായിരുന്ന ഭാര്യാസഹോദരന്‍ ഭാസി പിള്ളയെ (ഭാസ്‌കരപിള്ള) പൊലീസ് പൊക്കിയിരുന്നു. കോടതി ഇയാള്‍ക്ക് ജീവപര്യന്തം ശിക്ഷയും വിധിച്ചു. മുഴുക്കുടിയനായ ഭാസി പിള്ളയെയാണ് ഷൈന് ടോം ചാക്കോ അവതരിപ്പിക്കുന്നത്. സുകുമാരക്കുറുപ്പായി എത്തുന്നത് ദുല്‍ഖര്‍സല്‍മാനാണ്. ‘നമ്മുടെ ഏറ്റവും മികച്ച നടന്മാരിലൊരാള്‍’ എന്നു ചിത്രീകരണവേളയില്‍ ഷൈനെ പുകഴ്ത്തിയത് ദുല്‍ഖറാണ്. ഷൈന് ഒരു തികഞ്ഞ പ്രൊഫഷനലും ജെന്റില്‍മാനും ആണെന്നും ഷൈന് കഥാപാത്രമായി മാറുന്നതുകണ്ട് മിക്ക ദിവസങ്ങളിലും താന്‍ അത്ഭുതത്തോടെ നോക്കിനിന്നിട്ടുണ്ടെന്നും ദുല്‍ഖര്‍ കൂട്ടിച്ചേര്‍ത്തു.
നെഗറ്റീവ് കാരക്ടറാണ് ഭാസി പിള്ളയുടേത്. ആ വേഷം ഞാന്‍ നന്നായി ചെയ്യുന്നുണ്ടെന്നാണ് സിനിമയുടെ അണിയറക്കാര്‍ പറയുന്നത്. ഭാസി പിള്ള ജീവിച്ചിരിക്കുന്ന ഒരാളാണ്. എനിക്ക് അദ്ദേഹത്തെക്കുറിച്ചുള്ള വിശദവിവരങ്ങളൊന്നും അറിയില്ല. കുറുപ്പ് എന്ന സിനിമയിലെ കഥാപാത്രത്തെയാണ് ഞാന്‍ അവതരിപ്പിക്കുന്നത്. അപ്പോഴത് യഥാര്‍ഥത്തിലുള്ളയാളില്‍നിന്ന് വേറിട്ടുനില്ക്കും. അഭിനയത്തിന്റെ സാധ്യത ഇവിടെയാണെന്നാണ് ഞാന്‍ കരുതുന്നത്’-ഷൈന് പറയുന്നു.
‘ദുല്‍ഖര്‍ എന്നെക്കുറിച്ച് പറഞ്ഞത് എനിക്ക് എത്രമാത്രം സന്തോഷം പകര്‍ന്നു എന്നു വിശദീകരിക്കാനാകില്ല. സഹതാരങ്ങളുടെ കഴിവിനെ പുകഴ്ത്തുന്നത് സിനിമാലോകത്ത് അത്ര സാധാരണമായ കാര്യമല്ല. ദുല്‍ഖറിന് അതു ചെയ്യാനുള്ള ഹൃദയമുണ്ടായി. ചില സിനിമകള്‍ കാണുമ്പോള്‍ ആ നടന്‍ നന്നായി അഭിനിയിച്ചിട്ടുണ്ടല്ലോ എന്നു എനിക്ക് തോന്നാറുണ്ട്. പക്ഷേ അത് അയാളെ അറിയിക്കാന്‍ ഞാനും ശ്രമിച്ചിട്ടില്ല’.
മണിയറയിലെ അശോകന്‍ എന്ന സിനിമയിലും ദുല്‍ഖറിനോടൊപ്പം ഷൈന് അഭിനയിക്കുന്നുണ്ട്. കൗശലക്കാരനായ ഒരു റിയല്‍എസ്‌റ്റേറ്റ് ഏജന്റിന്റെ വേഷമാണതില്‍. മമ്മൂട്ടിയോടും മകന്‍ ദുല്‍ഖറിനോടൊപ്പവുമുള്ള അനുഭവവും ഷൈന് പങ്കുവയ്ക്കുന്നു: ‘മമ്മൂക്ക നന്നായി സംസാരിക്കുന്നയാളാണ്. ദുല്‍ഖര്‍ നേരെ തിരിച്ചാണ്. തന്റെ ശരിയായ വികാരങ്ങളെ പുറത്തുകാണിക്കുന്ന സത്യസന്ധനായ മനുഷ്യനാണ് മമ്മൂക്ക. മാവോയിസ്റ്റ് പ്രമേയമായ ‘ഉണ്ട’ എന്ന സിനിമയില്‍ മമ്മൂക്കയോടൊപ്പം അഭിനയിക്കാന്‍ കഴിഞ്ഞു. നാട്യങ്ങളില്ലാത്ത വ്യക്തിയാണ് അദ്ദേഹം. ദുല്‍ഖര്‍ അധികം സംസാരിക്കില്ലെങ്കിലും ചുറ്റുപാടും നടക്കുന്ന സംഭവങ്ങള്‍ സൂക്ഷ്മമായി നിരീക്ഷിക്കും. കോംപിനേഷന്‍ സീനുകളില്‍ ദുല്‍ഖറുമായി ആശയവിനിമയം നടത്താന്‍ പറ്റും. പക്ഷേ മമ്മൂക്കയോട് നമുക്കത് പറ്റുമോ?’
കൊക്കൈന്‍ കേസില്‍ പോലീസ് പിടിയിലായതിനെക്കുറിച്ചും ഷൈന് ടോം ചാക്കോയ്ക്ക് പറയാനുണ്ട്. ‘തന്റെ കൈയില്‍നിന്ന് ഏഴു ഗ്രാം കൊക്കൈന്‍ കണ്ടെടുത്തെന്നാണ് പോലീസ് കേസ്. ആ കേസ് ‘ഇതിഹാസ’ എന്ന ഞാന്‍ നായകനായ സിനിമ ഹിറ്റായ സമയത്താണുണ്ടായത്. വളരെക്കാലം സിനിമയുടെ അണിയറയില്‍ പ്രവര്‍ത്തിച്ചശേഷമാണ് 2011ല്‍ കമല്‍ സാറിന്റെ ‘ഗദ്ദാമ’യിലൂടെ എനിക്ക് സിനിമയില്‍ അവസരം ലഭിക്കുന്നത്. ഈ അടുത്തകാലത്ത്, ‘ചാപ്‌റ്റോഴ്‌സ്’, ‘അന്നയും റസൂലും’ എന്നീ സിനിമകളിലും അഭിനയിച്ചെങ്കിലും ‘ഇതിഹാസ’ ഒരു വഴിത്തിരിവായിരുന്നു. കേസില്‍ രണ്ടു മാസത്തോളം ജയിലില്‍ കിടന്നു. വീട്ടുകാരും ബന്ധുക്കളും സുഹൃത്തുക്കളുമെല്ലാം വളരെ വിഷമിച്ചു. ഒരു സിനിമാതാരം പ്രതിയായ കേസായതുകൊണ്ട് ആ സംഭവത്തിനു കിട്ടിയ നെഗറ്റീവ് പബ്ലിസിറ്റി വളരെ വലുതായിരുന്നു. അതെന്നെ മാനസികമായി തളര്‍ത്തി. പക്ഷേ ജയില്‍ജീവിതത്തില്‍നിന്ന് നല്ല പാഠങ്ങള്‍ പഠിക്കാനും കഴിഞ്ഞിട്ടുണ്ട്. കേസ് ഇപ്പോഴും നടക്കുന്നുണ്ടെങ്കിലും അതെന്നെ അലട്ടുന്നില്ല. അത്രയ്ക്ക് പിന്തുണ വീട്ടുകാരും സുഹൃത്തുക്കളും നല്കിയിട്ടുണ്ട്. രണ്ടാമത്തെ വരവിലാകട്ടെ കൂടുതല്‍ നല്ല കഥാപാത്രങ്ങള്‍ ലഭിക്കുന്നു. ‘ഇഷ്‌ക്’ എന്ന ചിത്രത്തിലെ വില്ലന്‍ കഥാപാത്രത്തിന് ലഭിച്ച പ്രശംസകള്‍ ആത്മവിശ്വാസം വര്‍ധിപ്പിച്ചു. കോമഡി ഉള്‍പ്പെടെ വ്യത്യസ്ത കഥാപാത്രങ്ങള്‍ ലഭിക്കണമെന്നാണ് ആഗ്രഹം.’
അജയ് ദേവലോക സംവിധാനം ചെയ്യുന്ന ‘ആറാംതിരുകല്പന’യില്‍ അന്വേഷണ ഉദ്യോഗസ്ഥന്റെ വേഷമാണ് ഷൈന്. ‘പട’, ‘പടവെട്ട്’ എന്നീ ചിത്രങ്ങളില്‍ വില്ലന്‍ വേഷങ്ങളും.
തയ്യാറാക്കിയത്
ജെന്‍സന്‍ സി. ജോസ്‌
Related Articles
കളമശേരി ലിറ്റില്‍ ഫ്ലവറില്‍ ഇനി വെല്‍ഡര്‍ റോബോട്ട്
വെല്‍ഡിംഗ് മേഖലയിലെ അതിവിദഗ്ദനായ ഒരു ജോലിക്കാരന്‍ ഒരു മണിക്കൂര്‍ കൊണ്ട് പൂര്‍ത്തിയാക്കുന്ന ജോലി കളമശേരി ലിറ്റില്‍ ഫഌവര്‍ എന്‍ജിനീയറിംഗ് ഇന്‍സ്റ്റിറ്റിയൂട്ടിലെ പുതിയവെല്‍ഡര്‍ ഇനി നിമിഷങ്ങള്‍ കൊണ്ട് തീര്‍ക്കും.
അനുതാപവും വിശ്വാസവും പ്രതിസന്ധികള്‍ പരിഹരിക്കും – ആര്‍ച്ച്ബിഷപ് ഡോ. എം. സൂസപാക്യം
എറണാകുളം: യഥാര്‍ത്ഥ അനുതാപവും ദൈവത്തിലുള്ള വിശ്വാസവുണ്ടെങ്കില്‍ ഏതു പ്രതിന്ധിയും പരിഹരിക്കാന്‍ കഴിയുമെന്ന് കെസിബിസി അധ്യക്ഷന്‍ ആര്‍ച്ച്ബിഷപ് ഡോ. എം. സൂസപാക്യം പറഞ്ഞു. കത്തോലിക്കാസഭയിലെ സന്യാസസമൂഹങ്ങളുടെ മേജര്‍ സുപ്പീരിയര്‍മാരുടെ
മറ്റൊരു വന്‍മതിലായി ചേതേശ്വര്‍ പൂജാര
കംഗാരുക്കളെ അവരുടെ നാട്ടില്‍ ചെന്ന് തളയ്ക്കുക എന്നത് എളുപ്പമുളള കാര്യമല്ല. ക്രിക്കറ്റിലെ ഏറ്റവും ശക്തരെന്ന് അറിയപ്പെടുന്ന ഓസ്‌ട്രേലിയയെ ടെസ്റ്റ് പരമ്പരയില്‍ ഇന്ത്യ 2-1ന് കീഴടക്കിയപ്പോള്‍ ചരിത്രം വിരാട്
