Breaking News
ലിറ്റില്‍ ഫ്ളവറില്‍ അലങ്കാരദീപ നിര്‍മാണ പരിശീലനം
എറണാകുളം: കളമശേരി ലിറ്റില്‍ ഫ്ളവര്‍ എന്‍ജിനീയറിംങ് ഇന്‍സ്റ്റിറ്റിയൂട്ടില്‍ വനിതകള്‍ക്കായി എല്‍ഇഡി അലങ്കാരദീപങ്ങളുടെ ഏകദിന നിര്‍മാണപരിശീലനം നടത്തി. സൗജന്യ പരിശീലനത്തിന്റെ ആദ്യബാച്ചാണ് പൂര്‍ത്തിയായത്.
...0കാര്‍ലോയുടെ അമ്മ അന്തോണിയയുടെ സന്ദേശം
കുമ്പളങ്ങി പള്ളിയിലെ തിരുനാളിനോട് അനുബന്ധിച്ച് കാര്‍ലോയുടെ അമ്മ അന്തോണിയാ ഒരു സന്ദേശം അയച്ചുതന്നു. ആ സന്ദേശം ചുവടെ ചേര്‍ക്കുന്നു. കാര്‍ലോയുടെ ദര്‍ശനങ്ങളില്‍
...0‘ദിവ്യകാരുണ്യം സ്വര്‍ഗത്തിലേക്കുള്ള രാജപാതയാണ്’വാഴ്ത്തപ്പെട്ട കാര്‍ലോ അകുതിസ്
വാഴ്ത്തപ്പെട്ട കാര്‍ലോ അകുതിസിന്റെ ആദ്യ തിരുനാള്‍ ദിനമായിരുന്നു 2021 ഒക്ടോബര്‍ 12-ാം തീയതി. 2020 ഒക്ടോബര്‍ 10ന് ധന്യന്‍ കാര്‍ലോ അകുതിസിനെ
...0കന്യാസ്ത്രീ ആക്രമണം: കെ.സി.വൈ.എം കൊച്ചി പ്രതിഷേധിച്ചു.
ഉത്തർപ്രദേശിൽ കന്യാസ്ത്രീകൾക്ക് നേരെ അക്രമം നടത്തിയ ബജറങ്ദൾ പ്രവർത്തകർക്കെതിരെ കെ.സി.വൈ.എം കൊച്ചി രൂപത പ്രതിഷേധിച്ചു. മതപരിവർത്തനം നടത്തിയെന്ന് ആരോപിച്ചാണ് കയ്യേറ്റം
...0വത്തിക്കാനിലെ കുര്‍ബാനയ്ക്ക് ഗാനശുശ്രൂഷ പനങ്ങാട്
എറണാകുളം: ലോക കപ്പലോട്ട ദിനത്തില്‍ ഇന്ത്യന്‍ സമയം രാത്രി 7.30നു വത്തിക്കാനില്‍ ഫാ. ബ്രൂണോ സിസേറിയുടെ കാര്‍മികത്വത്തില്‍ ലത്തീന്‍ ഭാഷയില്‍ അര്‍പ്പിച്ച
...0പ്രകൃതിക്ഷോഭങ്ങള്‍ ദുരന്തമായി പരിണമിക്കുമ്പോള്‍
അത്യാഹിതങ്ങള്‍ ദുര്‍ബലതകളുമായി സന്ധിക്കുന്നിടത്താണ് ദുരന്തങ്ങളുണ്ടാകുന്നത്. ചുഴലിക്കാറ്റ്, കടലേറ്റം, പേമാരി, മിന്നല്‍പ്രളയം, മണ്ണിടിച്ചില്‍, ഉരുള്‍പൊട്ടല്‍, വെള്ളപ്പൊക്കം തുടങ്ങിയ പ്രകൃതിക്ഷോഭ പ്രതിഭാസങ്ങളും അതിതീവ്ര കാലാവസ്ഥ
...0
ആര്‍ച്ച്ബിഷപ് ഡോ. ജോസഫ് അട്ടിപ്പേറ്റി ദൈവദാസ പദത്തിലേക്ക്
എറണാകുളം: വരാപ്പുഴ അതിരൂപതയുടെ പ്രഥമ തദ്ദേശീയ മെത്രാപ്പോലീത്ത ഡോ. ജോസഫ് അട്ടിപ്പേറ്റിയെ ദൈവദാസനായി നാമകരണം ചെയ്യുന്നു. ആ പുണ്യസ്മരണാര്‍ഹന്റെ 50-ാം ചരമവാര്‍ഷികമായ ജനുവരി 21ന് എറണാകുളം സെന്റ് ഫ്രാന്‍സിസ് അസീസി കത്തീഡ്രലിലാണ് സാര്‍വത്രിക കത്തോലിക്കാ സഭയുടെ വിശുദ്ധരുടെ ഗണത്തിലേക്ക് ഉയര്‍ത്താനുള്ള നാമകരണനടപടികളുടെ ആദ്യഘട്ടമായ ദൈവദാസ പ്രഖ്യാപനം.
നാമകരണത്തിനുള്ള കാനോനിക നടപടികള്‍ക്ക് വിശുദ്ധരുടെ നാമകരണത്തിനായുള്ള വത്തിക്കാന്‍ കാര്യാലയത്തിന്റെ അനുമതി ലഭിച്ചതിനെ തുടര്‍ന്നാണ് അദ്ദേഹത്തിന്റെ ഭൗതികദേഹം അടക്കം ചെയ്തിട്ടുള്ള കത്തീഡ്രല്‍ ദേവാലയത്തില്‍ 21ന് വൈകുരേം അഞ്ചിന് അര്‍പ്പിക്കുന്ന അനുസ്മരണബലിമധ്യേ വരാപ്പുഴ ആര്‍ച്ച്ബിഷപ് ഡോ. ജോസഫ് കളത്തിപ്പറമ്പില്‍ ഔദ്യോഗിക പ്രഖ്യാപനം നടത്തുന്നത്. കോട്ടപ്പുറം ബിഷപ് ഡോ. ജോസഫ് കാരിക്കശേരി സുവിശേഷപ്രഘോഷണം നടത്തും. ആര്‍ച്ച്ബിഷപ് എമരിറ്റസ് ഡോ. ഫ്രാന്‍സിസ് കല്ലറക്കല്‍, വിജയപുരം ബിഷപ് ഡോ. സെബാസ്റ്റിയന്‍ തെക്കത്തെച്ചേരില്‍, കണ്ണൂര്‍ ബിഷപ് ഡോ. അലക്‌സ് വടക്കുംതല തുടങ്ങിയവര്‍ സഹകാര്‍മികത്വം വഹിക്കും.
മലബാര്‍ വികാരിയാത്തിലെ പ്രഥമ വികാരി അപ്പസ്‌തോലിക്കയില്‍ നിന്നു തുടങ്ങുന്ന 275 വര്‍ഷത്തെ വിദേശ കര്‍മലീത്താ മിഷനറി മേലധ്യക്ഷന്മാരുടെ അജപാലന പാരമ്പര്യമുള്ള വരാപ്പുഴയില്‍ ഒരു യുഗപരിവര്‍ത്തനത്തിനു നാന്ദികുറിച്ച് ഇന്ത്യയുടെ സ്വാതന്ത്ര്യലബ്ധിക്ക് 15 വര്‍ഷം മുന്‍പ്, 1932 നവംബര്‍ 29ന്, പിന്തുടര്‍ച്ചാവകാശമുള്ള മെത്രാനായി നിയമിതനായ ഡോ. അട്ടിപ്പേറ്റി അതിരൂപതയുടെ നൂതനശില്പി എന്ന നിലയില്‍ 37 വര്‍ഷം സമൂഹത്തിന് അര്‍പ്പിച്ച ഉജ്വല സേവനങ്ങള്‍ക്കു നന്ദിയര്‍പ്പിക്കുന്നതോടൊപ്പം അദ്ദേഹത്തിന്റെ ധീരമായ വിശ്വാസസാക്ഷ്യവും ആധ്യാത്മിക സുകൃതങ്ങളും പുണ്യസുരഭിലമായ ജീവിതവിശുദ്ധിയും മുന്‍നിര്‍ത്തിയാണ് നാമകരണ നടപടികള്‍ ആരംഭിക്കുന്നത്.
കാനൊനൈസേഷന്‍ വിദഗ്ധനായ കപ്പുച്ചിന്‍ സഭാഗം ഫാ. ആന്‍ഡ്രൂസ് അലക്‌സാണ്ടര്‍ പോസ്റ്റുലേറ്റര്‍ എന്ന നിലയില്‍ നടത്തിയ വിശദമായ പഠനങ്ങളുടെരേഖകള്‍ വിലയിരുത്തിയാണ് വത്തിക്കാന്‍ സംഘം നാമകരണ നടപടികള്‍ക്ക് നിഹില്‍ ഒബ്‌സ്താത് സ്ഥിരീകരണം നല്‍കിയത്. അതിരൂപതാതലത്തില്‍ നാമകരണ നടപടിയുമായി മുന്നോട്ടുപോകാനുള്ള ട്രൈബ്യൂണല്‍ കാനോനികമായി ആര്‍ച്ച്ബിഷപ് ഡോ. ജോസഫ് കളത്തിപ്പറമ്പില്‍ രൂപീകരിക്കും.
വൈപ്പിന്‍കരയിലെ ഓച്ചന്തുരുത്ത് കുരിശിങ്കല്‍ ക്രൂസ് മിലാഗ്രിസ് ഇടവകയില്‍ അട്ടിപ്പേറ്റി മാത്യുവിന്റെയും റോസയുടെയും രണ്ടാമത്തെ മകനായി 1894 ജൂണ്‍ 25ന് ജുസെ ജനിച്ചു. റോമില്‍ വച്ച് 1926 ഡിസംബര്‍ 18ന് പൗരോഹിത്യം സ്വീകരിച്ചു. വരാപ്പുഴ അതിരൂപതയിലെ അവസാനത്തെ യൂറോപ്യന്‍ കര്‍മലീത്താ മെത്രാപ്പോലീത്ത ഡോ. എയ്ഞ്ചല്‍ മേരി തന്റെ സെക്രട്ടറിയും അതിരൂപതാ ചാന്‍സലറുമായി നിയമിച്ച ഡോ. അട്ടിപ്പേറ്റി 1932 നവംബര്‍ 29ന് കോഅജുത്തോര്‍ ആര്‍ച്ച്ബിഷപ്പായി നിയമിതനായി. കര്‍ത്താവിന്റെ കുരിശുമരണത്തിന്റെയും ഉത്ഥാനത്തിന്റെയും പത്തൊന്‍പതാം ശതാബ്ദി ജൂബിലിയുടെ ഭാഗമായി പതിനൊന്നാം പീയൂസ് പാപ്പാ 1933 ജൂണ്‍ 11ന് വത്തിക്കാന്‍ സെന്റ് പീറ്റേഴ്‌സ് ബസിലിക്കയില്‍ അട്ടിപ്പേറ്റിയെ ചൈനക്കാരായ നാലു നിയുക്തമെത്രാന്മാര്‍ക്കൊപ്പം അഭിഷേകം ചെയ്തു. അന്ന് അദ്ദേഹത്തിന് 39 വയസ് – ഇന്ത്യ, ബര്‍മ്മ, സിലോണ്‍ എന്നിവ ഉള്‍പ്പെടുന്ന ഉപഭൂഖണ്ഡത്തിലെ ഏറ്റവും പ്രായംകുറഞ്ഞ വൈദികമേലധ്യക്ഷനും ഇന്ത്യയിലെയും തെക്കന്‍, തെക്കുകിഴക്കന്‍ ഏഷ്യയിലെയും ആദ്യത്തെ തദ്ദേശീയ മെത്രാപ്പോലീത്തയുമായിരുന്നു അദ്ദേഹം.
റോമില്‍ ജൊവാന്നി ബത്തിസ്ത മൊന്തീനിയുടെ (വിശുദ്ധ പോള്‍ ആറാമന്‍ പാപ്പാ) സഹപാഠിയായിരുന്ന ഡോ. അട്ടിപ്പേറ്റി രണ്ടാം വത്തിക്കാന്‍ കൗണ്‍സിലിന്റെ നാലു സെഷനിലും പങ്കെടുത്തു. എഴുപത്തഞ്ചാം വയസില്‍, 1970 ജനുവരി 21ന് ദിവംഗതനായി. സെന്റ് ഫ്രാന്‍സിസ് അസീസി കത്തീഡ്രലില്‍ അടക്കം ചെയ്ത ഭൗതികദേഹം ദേവാലയം പുതുക്കിപ്പണിതപ്പോള്‍ അള്‍ത്താരയ്ക്കു പിന്നിലായി തെക്കുവശത്തുള്ള ക്രിപ്റ്റിലെ സ്മൃതിമണ്ഡപത്തിലേക്കു മാറ്റി.
പുണ്യശ്ലോകന്റെ അന്‍പതാം ചരമവാര്‍ഷികാനുസ്മരണത്തോടൊപ്പം നടക്കുന്ന നാമകരണ സമാരംഭത്തിന് ഒരുക്കമായി ആര്‍ച്ച്ബിഷപ് കളത്തിപ്പറമ്പില്‍ രക്ഷാധികാരിയും, അതിരൂപതാ വികാരി ജനറല്‍മാരായ മോണ്‍. മാത്യു കല്ലിങ്കല്‍, മോണ്‍. മാത്യു ഇലഞ്ഞിമിറ്റം എന്നിവര്‍ ചെയര്‍മാന്മാരും, സെന്റ് ഫ്രാന്‍സിസ് അസീസി കത്തീഡ്രല്‍ റെക്ടര്‍ മോണ്‍. ജോസഫ് പടിയാരംപറമ്പില്‍ ജനറല്‍ കണ്‍വീനറും കേരള ലാറ്റിന്‍ കാത്തലിക് അസോസിയേഷന്‍ സംസ്ഥാന ജനറല്‍ സെക്രട്ടറി ഷെറി ജെ. തോമസ് ജോയിന്റ് ജനറല്‍ കവീനറുമായി വിപുലമായ സംഘാടക സമിതി രൂപവത്കരിച്ചു.
വിവിധ കമ്മിറ്റികളുടെ ചെയര്‍മാന്‍, കണ്‍വീനര്‍ എന്നിവര്‍ യഥാക്രമം: റിസപ്ഷന്‍ കമ്മിറ്റി: ഫാ. മാര്‍ട്ടിന്‍ തൈപ്പറമ്പില്‍, അഡ്വ. വി.എ. ജെറോം. ലിറ്റര്‍ജി: ഫാ. ആന്റണി അറയ്ക്കല്‍, ഫാ. ജോര്‍ജ് ലിനീഷ് ജോസ് മനക്കില്‍. മൊബിലൈസേഷന്‍: ഫാ. മാര്‍ട്ടിന്‍ അഴിക്കകത്ത്, സി.ജെ. പോള്‍. വോളന്റിയര്‍: ഫാ. ജിജു ക്ലീറ്റസ് തിയാടി, അഡ്വ. ആന്റണി ജൂഡി. റിഫ്രഷ്‌മെന്റ്: ഫാ. അനില്‍ ആന്റണി തെരുവില്‍, സിജോ (കത്തീഡ്രല്‍ ബിസിസി സെന്‍ട്രല്‍ കമ്മിറ്റി ലീഡര്‍). മെഡിക്കല്‍: ഫാ. ഷൈജു തോപ്പില്‍, സാബു ജോര്‍ജ്. മീഡിയ: ഫാ. സോജന്‍ മാളിയേക്കല്‍, ജെക്കോബി. ഡോക്യുമെന്റേഷന്‍: അതിരൂപതാ ഹെരിറ്റേജ് കമ്മിഷന്‍.
Related Articles
ഓഖി: കെസിബിസി ഭവനനിര്‍മാണ സഹായം വിതരണം ചെയ്തു
തിരുവനന്തപുരം: സന്മനസും ത്യാഗമനോഭാവവുമാണ് ഓഖി ദുരന്തത്തെ നേരിടാന്‍ കേരള ജനതയെ പ്രാപ്തമാക്കിയതെന്ന് കേരള കാത്തലിക് ബിഷപ്‌സ് കോണ്‍ഫറന്‍സ് (കെസിബിസി) പ്രസിഡന്റ് ആര്‍ച്ച്ബിഷപ് ഡോ. എം. സൂസപാക്യം പറഞ്ഞു.
ഒരു പകര്‍ച്ചവ്യാധിക്കും ക്രിസ്തുമസിന്റെ പ്രകാശത്തെ അണയ്ക്കാന്‍ സാധിക്കില്ലെന്ന് -ഫ്രാന്‍സിസ് പാപ്പ
വത്തിക്കാന്‍: ഒരു പകര്‍ച്ചവ്യാധിക്കും ക്രിസ്തുമസിന്റെ പ്രകാശത്തെ അണയ്ക്കാന്‍ സാധിക്കില്ലെന്ന് മാര്‍പാപ്പ. സന്ധ്യാപ്രാര്‍ത്ഥനയ്ക്കു ശേഷം സെന്റ് പീറ്റര്‍ സ്‌ക്വയറില്‍ വിശ്വാസികളെ അഭിസംബോധന ചെയ്തുകൊണ്ട് മാര്‍പാപ്പ പറഞ്ഞു. വത്തിക്കാനില്‍
പച്ചമീന്‍ നഞ്ചില്‍ മുങ്ങുമ്പോള്‍
ട്രോളിംഗ് നിരോധന കാലത്ത് കേരളത്തിലെ മീന്‍ചന്തകളില്‍ കൊള്ളലാഭത്തിന്റെ ചാകരക്കൊയ്ത്തിന് മറ്റു തീരങ്ങളില്‍ നിന്ന് ടണ്‍കണക്കിന് മീനും ചെമ്മീനും എത്തിക്കുന്നവര്‍ ഭക്ഷ്യസുരക്ഷയുടെയും ഗുണനിലവാര മാനദണ്ഡങ്ങളുടെയും അടിസ്ഥാന പ്രമാണങ്ങള്‍ കാറ്റില്‍
