Breaking News

എല്ലാ മുന്‍കരുതല്‍ എടുത്തിട്ടും പോലീസ്‌കാരന് കോവിഡ്‌

എല്ലാ മുന്‍കരുതല്‍ എടുത്തിട്ടും പോലീസ്‌കാരന് കോവിഡ്‌

കൊച്ചി: കളമശേരി ജനമൈത്രി മാതൃകാ സ്റ്റേഷനിലെ പൊലീസുകാരന് കൊവിഡ് ബാധിച്ചത് ഇദ്ദേഹത്തെയും സഹപ്രവര്‍ത്തകരെയും ഒരുപോലെ അമ്പരപ്പിക്കുകയാണ്. എറണാകുളം സ്വദേശിയായ പൊലീസ് ഉദ്യോഗസ്ഥനാണ് രോഗം സ്ഥിരീകരിച്ചത്. ഹോം ക്വാറന്‍റീന്‍-ഇന്‍സ്റ്റിറ്റിയൂഷന്‍ ക്വാറന്‍റീന്‍ ഡ്യുട്ടി നോക്കിയിരുന്ന ഇദ്ദേഹത്തിന്  ഈ മാസം 15 നാണു രോഗലക്ഷണം കണ്ടത്. ഇതേത്തുടര്‍ന്ന് സ്രവപരിശോധന നടത്തിയപ്പോഴാണ് രോഗം സ്ഥിരീകരിച്ചത്.

എന്നാല്‍ റിസ്‌കുള്ള ജോലി സ്ഥലങ്ങളില്‍ എല്ലാം ആരോഗ്യ വകുപ്പും, ഡോക്റ്റര്‍മാരും പറയുന്ന എല്ലാ സുരക്ഷാ മാനദണ്ഡങ്ങളും പാലിച്ചാണ് താന്‍ ഡ്യൂട്ടി ചെയ്തിട്ടുള്ളത്. ഒരു വിട്ടു വീഴ്ച്ചയും അക്കാര്യത്തില്‍ ചെയ്തിട്ടില്ല. ഇതൊക്കെ ചെയ്തിട്ടും എങ്ങനെ രോഗം വന്നുവെന്ന് തനിക്ക് മനസിലാവുന്നില്ലന്ന് ഇദ്ദേഹം  പറഞ്ഞു.

 

ഈ ഡ്യൂട്ടിക്ക്  പുറമേ സ്റ്റേഷനില്‍ പാറാവ് ഡ്യൂട്ടിയും ചെയ്തിരുന്നു.  ഒരു ഘട്ടത്തിലും പ്രവാസികളുമായോ, മറ്റു സംസ്ഥാനങ്ങളില്‍ നിന്നുള്ളവരുമായോ ഇടപെട്ടിരുന്നില്ല. കലശലായ പനിയും വിട്ടു വിട്ടുള്ള ചുമയും മൂലം പരിശോധിച്ചപ്പോഴാണ് കൊവിഡ് പരിശോധന നടത്തിയത്. ഇപ്പോള്‍ ഡോക്റ്റര്‍മാരുടെ നിര്‍ദേശാനുസരണം മരുന്നുകള്‍ കഴിച്ചു തുടങ്ങി. മറ്റു വലിയ ബുദ്ധിമുട്ടുകള്‍ ഒന്നുംതന്നെയില്ല, .

സ്റ്റേഷനിലെ പൊലീസുകാരന് കൊവിഡ് ബാധിച്ചത് ആളുകളെ  ആശങ്കയില്‍ ആക്കിയിട്ടുണ്ട്. കഴിഞ്ഞ ദിവസങ്ങളില്‍ സ്റ്റേഷനുമായി ബന്ധപ്പെട്ട ആളുകള്‍ പരിശോധന നടത്തണമെന്ന നിര്‍ദേശം നല്‍കിയിട്ടുണ്ട്. ഈ പൊലീസുകാരനുമായി സമ്പര്‍ക്കത്തില്‍ ആയ ആളുകളുടെ പരിശോധനയും ആരോഗ്യ വകുപ്പ് നടത്തുന്നുണ്ട്. പൊലീസ് ഉദ്യോഗസ്ഥന്‍ കളമശേരി കൊവിഡ് സെന്‍ററില്‍ പ്രവേശിപ്പിച്ചിരിക്കുകയാണ്. വീട്ടുകാരെയും ഒപ്പം ഡ്യൂട്ടിയിലുണ്ടായിരുന്ന പൊലീസുകാരെയും വീട്ടില്‍ നിരീക്ഷണത്തിലാക്കി. കളമശ്ശേരി പോലീസ് സ്റ്റേഷനിൽ ജോലി ചെയ്യുന്ന എല്ലാ പോലീസ്കാർക്കും കോവിഡ് ടെസ്റ്റ് നടത്തുവാൻ ആരോഗ്യ വകുപ്പ് നിർദേശിച്ചു.


Related Articles

വനിതാ സ്ഥാനാര്ത്ഥികളുടെ ചിത്രങ്ങള്‍ ദുരുപയോഗം ചെയ്യുന്നവര്ക്കെതിരെ നിയമക്കുരുക്ക്

  തദ്ദേശ തിരഞ്ഞെടുപ്പിലെ  വനിതാ സ്ഥാനാര്‍ത്തികള്‍ ഉള്‍പ്പെടെയുള്ളവരുടെ ചിത്രങ്ങള്‍ ദുരുദ്ദേശത്തോടെ പ്രചരിപ്പിക്കുന്നവര്‍ക്കെതിരെ കര്‍ശന നടപടിയുമായി കേരളാ പോലീസ്.   കോവിഡ് മാനദണ്ഡങ്ങള്‍ പാലിച്ചുകൊണ്ടുള്ള തദ്ദേശതിരഞ്ഞെടുപ്പില്‍ സത്രീകളുള്‍പ്പെടെ നിരവധി

പാരിസ്ഥിതിക പാപവും മരട് പ്രായശ്ചിത്തവും

നമ്മുടെ പൊതുഭവനമായ ഭൂമിക്കും സഹജീവികള്‍ക്കും വരുംതലമുറയ്ക്കും പ്രപഞ്ചസ്രഷ്ടാവായ ദൈവത്തിനുമെതിരെ പ്രവൃത്തിയാലും ഉപേക്ഷയാലും ചെയ്തുപോയ അപരാധങ്ങളെക്കുറിച്ച് മനസ്തപിക്കുന്നത് പാരിസ്ഥിതിക പരിവര്‍ത്തനത്തിനും ആഴത്തിലുള്ള ആത്മപരിവര്‍ത്തനത്തിനുതന്നെയും ഇടയാക്കുമെന്ന് ഫ്രാന്‍സിസ് പാപ്പാ പഠിപ്പിക്കുന്നുണ്ട്.

യാക്കോബായ വിഭാഗത്തിന് ആരാധനാലയങ്ങള്‍ തുറന്നുകൊടുത്ത് ലത്തീന്‍സഭ

കൂദാശകര്‍മങ്ങള്‍ നടത്താന്‍ ആവശ്യമുള്ളിടങ്ങളില്‍ ലത്തീന്‍സഭയിലെ ദേവാലയങ്ങളില്‍ സൗകര്യമൊരുക്കുമെന്ന് ബിഷപ് ഡോ. ജോസഫ് കരിയില്‍ കൊച്ചി: ഓര്‍ത്തഡോക്‌സ്-യാക്കോബായ വിഭാഗങ്ങള്‍ തമ്മിലുള്ള തര്‍ക്കത്തില്‍ സുപ്രീംകോടതി വിധി പ്രകാരം ആരാധനാലയങ്ങളില്‍ ആരാധനാസൗകര്യങ്ങള്‍

No comments

Write a comment
No Comments Yet! You can be first to comment this post!

Write a Comment

Your e-mail address will not be published.
Required fields are marked*