നന്മയിൽ വിരിഞ്ഞ ഭവനം

*നന്മയിൽ വിരിഞ്ഞ ഭവനം

വർഷങ്ങളായി എറിയാടുള്ള ജോസഫീന ചേച്ചിക്ക് സ്വന്തമായി വീടില്ലായിരുന്നു, ഷീറ്റ് കൊണ്ട് മറച്ച ഒരു സംവിധാനത്തിലായിരുന്നു ചേച്ചിയുടെ താമസം.

 

സ്വന്തമായി ഒരു തുണ്ട് ഭൂമിയില്ലാത്തത് കൊണ്ട് തന്നെ സർക്കാരിന്റെ പദ്ധതികളൊന്നും ജോസഫീന ചേച്ചിക്ക് സഹായകമായില്ല

 

പ്രാഥമിക ആവശ്യത്തിന് പോലും ആ ഒറ്റമുറി കുടിലിൽ സൗകര്യമില്ലായിരുന്നു അത്രയ്ക്കും ദയനിയമായിരുന്നു ചേച്ചിയുടെ വർഷങ്ങളായിട്ടുളള ജീവിതം,

തൊഴിലുറപ്പിനും , അന്യ വീടുകളിൽ ജോലി ചെയ്തും ലഭിക്കുന്ന തുഛമായ വരുമാന മാത്രമായിരുന്നു ആകെയുള്ള ആശ്രയം,

 

ലോക്ക് ഡൗൺ സമയത്ത് എറിയാട് ഫാത്തിമ മാത ഇടവകയിലെ വാട്ട്സപ്പ് ഗ്രൂപ്പിൽ ചേച്ചിയുടെ വീടിന്റെ ദയനീയ ചിത്രം കാണാനിടയായ സാഹചര്യത്തിലാണ് ചെറുപ്പക്കാരായ സുഹൃത്തുക്കളുടെ കൂട്ടായ്മയായ നന്മ അസോസിയേറ്റ് ഈ ദൗത്യം ഏറ്റെടുക്കുന്നത് .

 

പ്രതിസന്ധികൾക്കിടയിലും തളരാതെ മുന്നോട്ട് നീങ്ങിയ നന്മ അസോസിയേറ്റിലെ സുഹൃത്തുക്കൾ നവംബർ ഒന്നിന് വീടെന്ന ദൗത്യം പൂർത്തിക്കരിച്ച് ജോസഫീന ചേച്ചിക്ക് കൈമാറുകയാണ് ,

 

വിദേശത്തും , നാട്ടിലുമുളള സുഹൃത്തുക്കളിൽ നിന്ന് കണ്ടെത്തിയ ചെറുതും , വലുതുമായ സഹായങ്ങളിൽ നിന്നും മനോഹരമായ വീട് നല്കുവാൻ സാധിച്ചെന്നുള്ളതാണ് ഈ കോവിഡ് കാലത്തെ എറിയാടുള്ള സുഹൃത്തുക്കളുടെ വലിയ വിജയം,

 

*നന്മയിൽ വിരിഞ്ഞ ഭവനം*

 

നാട്ടിലുള്ള പല സംവിധനങ്ങൾക്കും ജോസഫീന ചേച്ചിയെ ദയനീയ സാഹചര്യത്തിൽ നിന്നും മോചിപ്പിക്കുവാൻ സാധിക്കാതിടത്താണ് 17 പേരടങ്ങുന്ന നന്മ അസോസിയേറ്റിലെ വലിയ വിജയം മഹത്തരമാകുന്നത് ,

 

ഇന്ന് രാവിലെ 11.30 ന് എറിയാട് ഫാത്തിമ മാത ഇടവക വികാരി ഫാ. ഗിൽബർട്ട് ആന്റണി തച്ചേരി പുതിയ ഭവനത്തിന്റെ വെഞ്ചിരിപ്പ് കർമ്മവും , താക്കോൽ ദാനവും നിർവ്വഹിച്ചു

 

നമ്മുക്ക് ചുറ്റും അനേകായിരം ജോസഫീന ചേച്ചിമാരുണ്ട് അവരെ കണ്ടെത്തി തലചായ്ക്കാൻ ഒരിടം ഒരുക്കുന്നതിനെക്കാൾ എന്ത് നന്മയാണ് വേറെയുള്ളത്

✍️

 

അജിത്ത് തങ്കച്ചൻ

ജീവനാദം

---