ദേവസഹായത്തിന്റെ നാമകരണം എന്തേ ഇത്ര വൈകി?

ദേവസഹായത്തിന്റെ നാമകരണം എന്തേ ഇത്ര വൈകി?

 

തെക്കന്‍ തിരുവിതാംകൂറിലെ നട്ടാലം ഗ്രാമത്തില്‍ പിറന്ന് കാറ്റാടിമലയില്‍ രക്തസാക്ഷിത്വം വരിച്ച ദേവസഹായം സാര്‍വത്രിക സഭയുടെ വിശുദ്ധരുടെ ഗണത്തിലേക്ക് 2022 മേയ് 15ന് ഉയര്‍ത്തപ്പെടുന്നു. ദേവസഹായത്തിന്റെ രക്തസാക്ഷിത്വം വഴി തെക്കന്‍ തിരിവിതാംകൂറില്‍ മുളപൊട്ടി വിരിഞ്ഞ വിശ്വാസികളില്‍ നല്ലൊരുഭാഗം ഇന്ന് തിരുവനന്തപുരം, നെയ്യാറ്റിന്‍കര, പാറശാല, മാര്‍ത്താണ്ഡം, കുഴിഞ്ഞുറ, തക്കല, കോട്ടാര്‍ രൂപതകളില്‍ കാണപ്പെടുന്നു.

”രക്തസാക്ഷികളുടെ ചുടുനിണം വീണ മണ്ണ് ക്രൈസ്തവ വിശ്വാസത്തിന്റെ വളക്കൂറുള്ള മണ്ണായിതീര്‍ന്നു” എന്ന തെര്‍ത്തുല്യന്റെ വാക്കുകള്‍ അക്ഷരാര്‍ത്ഥത്തില്‍ ഇവിടെ യാഥാര്‍ത്ഥ്യമായി. നേമം മിഷനില്‍ ജീവിച്ച് രക്തസാക്ഷിത്വം വരിച്ച നൂറുകണക്കിനു ക്രൈസ്തവ വിശ്വാസികളില്‍ പ്രമുഖനായിരുന്നു ദേവസഹായം പിള്ള.

നാമകരണം എന്തേ ഇത്ര വൈകി?

ദേവസഹായത്തിന്റെ ധീരോചിതമായ ജീവിതവും രക്തസാക്ഷിത്വവും വായിച്ചറിയുന്നവരും അദ്ദേഹത്തിന്റെ ജീവിതവുമായി ബന്ധപ്പെട്ട സ്ഥലങ്ങള്‍ സന്ദര്‍ശിക്കുന്ന വിശ്വാസികളും ന്യായമായും ചോദിക്കാറുണ്ട്: ദേവസഹായത്തെ വിശുദ്ധനായി പ്രഖ്യാപിക്കാന്‍ എന്തേ ഇത്ര വൈകി? വിശ്വാസികളെ സംബന്ധിച്ച് ആശ്വസിക്കാനുള്ള ഉത്തരം വേദപുസ്തകത്തിലുണ്ട്: എല്ലാറ്റിനുംഒരു സമയമുണ്ട്. ആകാശത്തിന്‍ കീഴിലുള്ള സമസ്തകാര്യത്തിനും ഒരവസരമുണ്ട്. മനുഷ്യമനസില്‍ കാലത്തിന്റെ സമഗ്രതയെക്കുറിച്ചുള്ള ബോധ്യം അവിടുന്ന് നിക്ഷേപിച്ചിരിക്കുന്നു. എന്നാല്‍ ദൈവത്തിന്റെ പ്രവൃത്തികള്‍ ഗ്രഹിക്കാന്‍ അവനു കഴിയില്ല (സഭാപ്രസംഗകന്‍ 3: 1,11).

മനുഷ്യനിര്‍മ്മിതമായ തടസ്സങ്ങളും കാലതാമസവും ചരിത്രവസ്തുതകള്‍ രേഖപ്പെടുത്തുന്നതില്‍ വന്ന വീഴ്ചകളും വസ്തുതകളിലെ വൈരുധ്യങ്ങളും തെളിവുകള്‍ നശിപ്പിക്കപ്പെടുന്നതും ചരിത്രവസ്തുതകള്‍ വെളിച്ചത്തുവരുന്നതില്‍ നിക്ഷിപ്ത താല്പര്യക്കാര്‍ക്കുള്ള ഭയവും ബന്ധപ്പെട്ട സഭാധികാരികള്‍ക്കുണ്ടായ വീഴ്ചകളും എല്ലാം നാമകരണനടപടികള്‍ വൈകിപ്പിച്ചുവെന്നു പറയാം. എന്നാല്‍ കാലത്തിന്റെ സമഗ്രതയെക്കുറിച്ചുള്ള ബോധ്യം സഭാധികാരികള്‍ ഉള്‍ക്കൊണ്ടുകൊണ്ട് ക്രൈസ്തവിശ്വാസം ഏറെ വെല്ലുവിളികള്‍ നേരിടുന്ന ഈ കാലഘട്ടത്തില്‍ വിശ്വാസത്തിനുവേണ്ടി സ്വജീവന്‍ നല്‍കിയ ദേവസഹായത്തെ ഏറ്റവും മഹത്തായ മാതൃകയായി നമ്മുടെ മുമ്പില്‍ അവതരിപ്പിക്കുന്നു.

 തെക്കന്‍ തിരുവിതാകൂര്‍ രക്തസാക്ഷികളുടെ ചോരവീണ് കുതിര്‍ന്ന മണ്ണാണ്. ആ മണ്ണിലാണ് പില്‍ക്കാലത്ത് കര്‍മലീത്താ മിഷണിമാരും ലണ്ടന്‍ മിഷണറി സൊസൈറ്റിയും മറ്റും അറുപതും നൂറും മേനി വിളവു കൊയ്‌തെടുത്തത്. ഫ്രാന്‍സിസ് പാപ്പാ ദേവസഹായത്തെ വിശുദ്ധ പദത്തിലേക്ക് ഉയര്‍ത്തുമ്പോള്‍ തെക്കന്‍ തിരുവിതാംകൂറിലെ ക്രൈസ്തവ വിശ്വാസികളുടെ രണ്ടര നൂറ്റാണ്ടിലധികമായുള്ള കാത്തിരിപ്പ് സഫലമാകുകയാണ്.

 

Click to join Jeevanaadam Whatsapp Group

ജീവനാദം വാട്സ്ആപ്പ് ഗ്രൂപ്പിൽ ചേരുവാനായി ക്ലിക്ക് ചെയ്യുക


Tags assigned to this article:
devashayam

Related Articles

ആലപ്പുഴ ഒറ്റമശേരി കടലിൽ നിൽപ്പുസമരം നടത്തി

ആലപ്പുഴ: ആലപ്പുഴ രൂപതയിലെ വൈദികരുടെ നേതൃത്വത്തിൽ കടലിൽ ‘മനുഷ്യ കടൽഭിത്തി’ തീർത്ത് ‘നിൽപ് സമരം’ നടത്തി. 19/6/19 രാവിലെ 11 മണിമുതൽ 12.30 വരെ ഒറ്റമശ്ശേരി കടലിലാണ്

പിശാചിനെ തുരത്തുന്ന കുതിരലാടം

മധ്യകാലഘട്ടത്തില്‍ യൂറോപ്പിലെ പല വീടുകളിലും സര്‍വ്വസാധാരണയായി കാണപ്പെട്ടിരുന്ന ഒന്നാണ് വാതില്ക്കല്‍ കെട്ടിതൂക്കിയിട്ടിരുന്ന കുതിരലാടം (ഹോഴ്‌സ് ഷൂ) കുതിരകളുടെ കുളമ്പില്‍ തറയ്ക്കുന്ന യൂ ആകൃതിയില്‍ വളഞ്ഞിരിക്കുന്ന ഒരു ഇരുമ്പുകഷണമാണ്

കര്‍ഷക സമരം; ചോദ്യചിഹ്നമായി ജനാധിപത്യം

ചരിത്രമെഴുതിയ കർഷക സമരത്തിന്റെ തീച്ചൂളയിൽ വെന്തുരുകുകയാണ് തലസ്ഥാന നഗിരി.  യുദ്ധസമാനമായ ഭരണകൂട ഭീകരതയെ വകവയ്ക്കാതെ രാജ്യത്തിന്റെ വിവിധ പ്രദേശങ്ങളിൽ നിന്നും കർഷകർ ഡൽഹിയിലേക്ക് പ്രവഹിക്കുകയാണ്.  അതിർത്തികൾ അടച്ചും,

No comments

Write a comment
No Comments Yet! You can be first to comment this post!

Write a Comment

Your e-mail address will not be published.
Required fields are marked*