ഐഎസ് ഭീകരർ തകർത്ത പരിശുദ്ധ കന്യാമറിയ രൂപം ഫ്രാൻസിസ് പാപ്പ പുനപ്രതിഷ്ഠിക്കും
ഇറാഖ്: ഇസ്ലാമിക ഭീകരസംഘടനയായ ഐഎസ് കീറിമുറിച്ച ഇറാക്കിലേക്ക് പാപ്പയുടെ സന്ദർശനം ലോകം ആകാംഷയോടു കൂടിയാണ് നോക്കുന്നത്. മൊസൂളിനടുത്തുള്ള കരാമൽ ഗ്രാമത്തിലാണ് ഐഎസ് ഭീകരരുടെ ആക്രമണത്തിൽ ദേവാലയം തകർക്കപ്പെട്ടത്.
ദേവാലയത്തിൽ പ്രതിഷ്ഠിക്കപ്പെട്ടിരിക്കുന്ന രൂപങ്ങൾ അപമാനിക്കപ്പെട്ടു. പരിശുദ്ധ കന്യകാമറിയ രൂപത്തിൻറെ ഇരുകരങ്ങളും തലയും ഐഎസ് ഭീകരർ വെട്ടിമാറ്റി. ഭീകരർ വെട്ടിമാറ്റിയ ഭാഗങ്ങൾ കണ്ടെടുത്ത് പുനഃക്രമീകരിച്ച് ഫ്രാൻസിസ് പാപ്പയോട് വെഞ്ചരിച്ച് നൽകുവാൻ വിശ്വാസികൾ ആവശ്യപ്പെടുകയായിരുന്നു. മാർച്ച് ഏഴാം തീയതി കരാമൽ ദേവാലയം സന്ദർശിക്കുമ്പോൾ ഫ്രാൻസിസ് പാപ്പാ പരിശുദ്ധ കന്യാമറിയ രൂപം പുനപ്രതിഷ്ഠിക്കും
മാർച്ച് 5 മുതൽ 8 വരെ നീളുന്ന പാപ്പയുടെ ഇറാക്ക് സന്ദർശനത്തിൽ ഇസ്ലാമിക സ്റ്റേറ്റ് ഭീകരർ തകർത്ത ഇറാഖിലെ മറ്റ് ദേവാലയങ്ങളും പാപ്പ സന്ദർശിക്കും
സന്ദർശനത്തിന്റെ ആദ്യദിവസം ഇറാഖിന്റെ തലസ്ഥാനമായ ബാഗ്ദാദിലെ രക്ഷകയുടെ കന്യകാമറിയത്തിന്റെ ദേവാലയത്തിൽ അദ്ദേഹം സന്ദർശനം നടത്തും. ഐ എസ് ബോംബാക്രമണത്തിൽ 48 വിശ്വാസികളാണ് ഈ ദേവാലയത്തിൽ ദാരുണമായി കൊല്ലപ്പെട്ടിട്ടുള്ളത്. ഞായറാഴ്ച ശുശ്രൂഷകൾ നടക്കുമ്പോഴായിരുന്നു ഐ എസ് ആക്രമണം. രണ്ടു വൈദികരും ആക്രമണത്തിൽ ദാരുണമായി കൊല്ലപ്പെട്ടു. നൂറോളം പേരെ ഭീകരർ ബന്ദികളാക്കുകയും ചെയ്തു. ഭീകരാക്രമണത്തിൽ കൊല്ലപ്പെട്ട 48 പേരുടെയും നാമകരണ നടപടികൾ പ്രാദേശിക സഭ ആരംഭിച്ചിട്ടുണ്ട്.
കഠിനമായ സാഹചര്യങ്ങളിലും രക്തം കൊണ്ട് ക്രിസ്തുവിന് സാക്ഷ്യം നൽകിയ ഇറാഖിലെ സഭയെ സന്ദർശിക്കുന്നതിൽ അഭിമാനമുണ്ടെന്ന് ഇറാഖിലേക്ക് തിരിക്കും മുൻപ് വീഡിയോ സന്ദേശത്തിൽ ഫ്രാൻസിസ് പാപ്പാ പറഞ്ഞിരുന്നു.
Click to join Jeevanaadam Whatsapp Group
ജീവനാദം വാട്സ്ആപ്പ് ഗ്രൂപ്പിൽ ചേരുവാനായി ക്ലിക്ക് ചെയ്യുക
Related Articles
ബാഹുബലിയെ വെല്ലാന്‍ നരസിംഹ റെഡ്ഡി
തെലുങ്ക് സൂപ്പര്‍താരം ചിരഞ്ജീവിയുടെ 151-ാമത്തെ ചിത്രം സൈരാ നരസിംഹ റെഡ്ഡി സൂപ്പര്‍താരങ്ങളുടെ ആധിക്യംകൊണ്ടും സാങ്കേതിക മികവുകൊണ്ടും മറ്റൊരു ബ്രഹ്മാണ്ഡ ചിത്രമാകാനൊരുങ്ങുകയാണ്. അമിതാഭ് ബച്ചന്‍, നയന്‍താര, അനുഷ്‌കാ ഷെട്ടി,
അതിജീവനത്തിനായി 300 കിലോമീറ്റര്‍ നടത്തം
ജഗത്സിങ്പുര്‍: എങ്ങനെയെങ്കിലും നാട്ടിലെത്തണം. അതുമാത്രമായിരുന്നു 60കാരനായ ബെനുധര്‍ മല്ലിക്കിന്റെ ചിന്ത. നാട്ടിലെത്താന്‍ സാധിച്ചില്ലെങ്കില്‍ മരണം തന്നെ തേടിയെത്തുമെന്ന് അയാള്‍ക്ക് ഉറപ്പുണ്ടായിരുന്നു. കടുത്ത ചൂടിനെയും പരിശോധനക്കെത്തുന്ന പൊലീസുകാരെയും തൃണവത്ഗണിച്ചാണ്
അനിശ്ചിതകാല റിലേ സത്യഗ്രഹം നടത്തി
കൊല്ലം: കെസിബിസി വിദ്യാഭ്യാസ കമ്മീഷന്റെയും കാത്തലിക് സ്‌കൂള്‍ സ്റ്റാഫ് അസോസിയേഷന്റെയും (സിഎസ്എസ്എ), കാത്തലിക് ടീച്ചേഴ്‌സ് ഗില്‍ഡിന്റെയും ആഹ്വാന പ്രകാരം കൊല്ലം രൂപതാ കോര്‍പ്പറേറ്റ് മാനേജ്‌മെന്റിന്റെയും പുനലൂര്‍ രൂപത
